ಕರ್ನಾಟಕ ಸರಕು ಸಾಗಾಣಿಕೆದಾರರ ಸಂಘ, ದೆಹಲಿಯ ಎಐಎಂಟಿಸಿ, ಎಸ್ಐಎಂಟಿಎ, ಬಿಸಿಟಿಎ, ಕೆಜಿಟಿಎ, ಎಲ್ಪಿಜಿ ಟ್ಯಾಂಕರ್ಸ್, ಏರ್ಪೋರ್ಟ್ ಟ್ಯಾಕ್ಸಿ, ಬಿಟಿಟಿಒಎ ಸೇರಿ ಎಲ್ಲ ಜಿಲ್ಲೆಗಳ ಲಾರಿ ಮಾಲೀಕರ ಸಂಘಗಳು ಸೇರಿ 162 ಸಂಘಟನೆಗಳು ಬೆಂಬಲ ನೀಡಿದ್ದು, ರಾಜ್ಯಾದ್ಯಂತ 8 ಲಕ್ಷ ಸಾಗಾಣಿಕೆ ವಾಹನಗಳು ಸ್ಥಗಿತವಾಗಿದ್ದವು.ಪ್ರತಿ ನಿತ್ಯ ಲಾಂತರ ಸರಕು ಸಾಗಾಣಿಕೆ ವಾಹನಗಳು ಬೆಂಗಳೂರಿಗೆ ಬಂದು ಹೋಗುತ್ತಿದ್ದವು. 5 ಸಾವಿರ ಲಾಜಿಸ್ಟಿಕ್ ವಾಹನಗಳು ಸಂಚರಿಸುತ್ತಿದ್ದವು. 40 ಸಾವಿರ ಸಾಗಾಣಿಕೆ ವಾಹನಗಳು ಬೆಂಗಳೂರು ಮೂಲಕ ತಮಿಳುನಾಡು, ಕೇರಳ, ಪಾಂಡಿಚೇರಿ, ಆಂಧ್ರಪ್ರದೇಶ, ತೆಲಂಗಾಣ, ಮಹಾರಾಷ್ಟ್ರದಲ್ಲಿ ಸಂಚರಿಸುತ್ತಿದ್ದವು. ಮುಷ್ಕರದಿಂದ ಇವೆಲ್ಲ ಲಾರಿಗಳ ಸ್ಥಗಿತವಾಗಿತ್ತು. ಇದರಿಂದ ಗ್ಯಾಸ್, ಪಡಿತರ, ಮರಳು, ಜಲ್ಲಿಕಲ್ಲು ಸೇರಿ ಇತರೆ ಸರಕು ಸೇವೆಗಳ ಮೇಲೆ ಪರಿಣಾಮ ಬೀರಿತ್ತು. ಆದರೆ, ಹಾಲು, ಔಷಧ, ಅಡುಗೆ ಅನಿಲ, ಹಣ್ಣು, ತರಕಾರಿ, ಆಂಬುಲನ್ಸ್, ಅಗ್ನಿಶಾಮಕ ಸೇವೆ ಸೇರಿ ದೈನಂದಿನ ಸೇವೆಗಳ ಪೂರೈಕೆ ಎಂದಿನಂತೆ ಇತ್ತು.
