ಬೆಳಗಾವಿ: ಕಿತ್ತೂರು ಮತ್ತು ಕಲ್ಯಾಣ ಕರ್ನಾಟಕ ಪ್ರದೇಶ ಸೇರಿ ವಿವಿಧ ಭಾಗಗಳಲ್ಲಿ ಕಂಡು ಬರುತ್ತಿರುವ ವಿವಿಧ ಸಾಂಕ್ರಾಮಿಕ ರೋಗಗಳನ್ನು ಗುರುತಿಸುವಲ್ಲಿ ಪ್ರಯೋಗಾಲಯಗಳು ಪ್ರಮುಖ ಪಾತ್ರ ವಹಿಸುತ್ತವೆ ಎಂದು ಐಸಿಎಂಆರ್-ಎನ್ಐಟಿಎಂ ನಿರ್ದೇಶಕ ಡಾ.ಸುಬರ್ನಾ ರಾಯ್ ಹೇಳಿದರು.
ನಗರದ ಐಸಿಎಂಆರ್ ಸಭಾಂಗಣದಲ್ಲಿ ಕರ್ನಾಟಕ ಮತ್ತು ಗೋವಾ ರಾಜ್ಯದ ಡಿಎಸ್ಐ, ಟಿಎಚ್ಒ, ಐಡಿಎಸ್ಪಿ ಅಧಿಕಾರಿಗಳಿಗೆ, ಸೂಕ್ಷ್ಮ ಜೀವಶಾಸಜ್ಞ, ಸಾಂಕ್ರಾಮಿಕ ರೋಗ ಶಾಸಜ್ಞರಿಗಾಗಿ ರಾಷ್ಟ್ರೀಯ ಪಾರಂಪರಿಕ ಚಿಕಿತ್ಸಾ ವಿಜ್ಞಾನ ಸಂಸ್ಥೆ (ಐಸಿಎಂಆರ್), ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಎನ್ಐಟಿಎಂ) ಸಂಯುಕ್ತಾಶ್ರಯದಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ‘ರೋಗಗಳ ಕಣ್ಗಾವಲಿನಲ್ಲಿ ಪ್ರಾಯೋಗಾಲಯಗಳ ಪಾತ್ರ’ ಕುರಿತು ಒಂದು ದಿನದ ಕಾರ್ಯಾಗಾರದಲ್ಲಿ ಅವರು ಉಪನ್ಯಾಸ ನೀಡಿದರು.
