ರೋಗ ಪೀಡಿತ ಗಿಡಗಳನ್ನು ಕಿತ್ತಿ ಎಸೆಯಿರಿ

ತಾವರಗೇರಾ: ಹೋಬಳಿ ವ್ಯಾಪ್ತಿ ಅನೇಕ ಗ್ರಾಮಗಳ ರೈತರ ಜಮೀನುಗಳಲ್ಲಿ ಹಾಕಿರುವ ತೊಗರಿ ಬೆಳೆಗೆ ಸೆಟೆರೋಗ ಮತ್ತು ಸಿಡಿರೋಗ ಕಾಣಿಸಿಕೊಂಡಿದೆ. ರೋಗ ನಿಯಂತ್ರಿಸಲು ರೈತರು ಜಾಗೃತರಾಗಬೇಕು ಎಂದು ಸ್ಥಳೀಯ ರೈತ ಸಂಪರ್ಕ ಕೇಂದ್ರದ ಕೃಷಿ ಅಧಿಕಾರಿ ಆಶಾ ರಾಠೋಡ ಹೇಳಿದರು.

ಇದನ್ನೂ ಓದಿ: ಕೊಳೆ ರೋಗಕ್ಕೆ ತುತ್ತಾಗುತ್ತಿದೆ ತೊಗರಿ ಬೆಳೆ

ಸಮೀಪದ ಇದ್ಲಾಪೂರ ಗ್ರಾಮದ ರೈತರಾದ ಜಮೀನುಗಳಿಗೆ ಭೇಟಿ ನೀಡಿ ಮಾತನಾಡಿದರು. ಸಿಡಿರೋಗಕ್ಕೆ ಒಂದು ಲೀಟರ್ ನೀರಿಗೆ 5 ಗ್ರಾಂ. ಟ್ರೇಕೊಡೆರಮಾ ಪುಡಿ ಬೆರೆಸಿ ಕಾಂಡದ ಕೆಳಗೆ ಹಸಿಯಾಗುವವರೆಗೆ ಸುರಿಯಬೇಕು. ಒಂದು ಲೀಟರ್ ನೀರಿಗೆ 5 ಗ್ರಾಂ. ಕಾರ್ಬಂಡ ಜಿಮ್ ಬೆರೆಸಿ ಕಾಂಡದ ಕೆಳಗೆ ಹಾಕಬೇಕು.

ಪೂರ್ಣ ಪ್ರಮಾಣದ ರೋಗ ಪೀಡಿತ ಗಿಡಗಳನ್ನು ಕಿತ್ತಿ ದೂರ ಎಸೆಯಬೇಕು. ಅಂದಾಗ ಮಾತ್ರ ರೋಗ ನಿಯಂತ್ರಣಕ್ಕೆ ಬರುತ್ತದೆ ಎಂದು ತಿಳಿಸಿದರು.
ಇಲಾಖೆ ಸಹಾಯಕ ನಿರ್ದೇಶಕ ಅಜ್ಮೀರ ಅಲಿ, ಟೆಕ್ನಿಕಲ್ ಸಹಾಯಕ ವೀರನಗೌಡ, ರೈತರಾದ ಬಸನಗೌಡ, ಅಮರೇಗೌಡ, ಯಮನಪ್ಪ ಹಾಗೂ ಸಿಬ್ಬಂದಿ ಇದ್ದರು.