ಲಾಕ್ಡೌನ್ ವೇಳೆ ವಿಡಿಯೋ ಕಾನ್ಪರೆನ್ಸ್ ಮೂಲಕ ಎಲ್ಲ ಸದಸ್ಯರನ್ನು ಒಳಗೊಂಡು ಬಜೆಟ್ ಮಂಡಿಸಬಹುದು. ಕೆಎಂಸಿ ಕಾಯ್ದೆ ಅನ್ವಯ ಸಾಮಾನ್ಯ ದಿನಗಳಲ್ಲಿ ವ್ಯವಹಾರ ನಿರ್ವಹಣೆ ಅಡಿಯಲ್ಲಿ ಆಯವ್ಯಯ ಮಂಡಿಸಲಾಗುತ್ತದೆ. ಆದರೆ, ಈಗ ತುರ್ತು ಪರಿಸ್ಥಿತಿ ಇರುವ ಕಾರಣ ವಿಪತ್ತು ನಿರ್ವಹಣೆ ಕಾಯ್ದೆ ಅಡಿಯಲ್ಲಿ ಮೇಯರ್, ಉಪ ಮೇಯರ್, ಆರ್ಥಿಕ ಸ್ಥಾಯಿ ಸಮಿತಿ ಅಧ್ಯಕ್ಷರು, ವಿಪಕ್ಷಗಳ ನಾಯಕರು ಸೇರಿ 11 ಜನರು ಬಜೆಟ್ ಮಂಡಿಸಬಹುದಾಗಿದೆ. ಲಾಕ್ಡೌನ್ ಇರುವುದರಿಂದ ಪಾಲಿಕೆ 8 ವಲಯಗಳ ಕಚೇರಿಗಳಲ್ಲಿ ತಲಾ 20 ಸದಸ್ಯರು ಸೇರಲು ಅವಕಾಶವಿದೆ. ಈ 160 ಸದಸ್ಯರ ಒಪ್ಪಿಗೆ ಪಡೆದು ಪಾಲಿಕೆ ಕೇಂದ್ರ ಕಚೇರಿಯಲ್ಲಿ ಮೇಯರ್, ಉಪ ಮೇಯರ್, ತೆರಿಗೆ ಮತ್ತು ಆರ್ಥಿಕ ಸ್ಥಾಯಿ ಸಮಿತಿ ಅಧ್ಯಕ್ಷರು, ಸದಸ್ಯರು, ಆಡಳಿತ ಪಕ್ಷ ಮತ್ತು ವಿಪಕ್ಷಗಳ ನಾಯಕರು ಸೇರಿಕೊಂಡು ಆಯವ್ಯಯ ಮಂಡಿಸಲು ಅವಕಾಶವಿದೆ.
