ಪಟ್ಟಣದ ಶ್ರೀ ಚನ್ನಕೇಶವಸ್ವಾಮಿ ದೇಗುಲದ ಕಲ್ಯಾಣ ಮಂಟಪದಲ್ಲಿ ಸೋಮವಾರ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿ, ಕ್ಷೇತ್ರ ಸಮನ್ವಯಾಧಿಕಾರಿಗಳ ಕಚೇರಿ, ಶಾಲಾ ಶಿಕ್ಷಣ ಇಲಾಖೆ, ಕ್ಷೇತ್ರ ಸಂಪನ್ಮೂಲ ಕೇಂದ್ರ ಸಂಯುಕ್ತವಾಗಿ ಆಯೋಜಿಸಿದ್ದ ಅಂಗವಿಕಲ ಮಕ್ಕಳ ಕ್ರೀಡೆ ಮತ್ತು ಅರಿವು ಮೂಡಿಸುವ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಅಂಗವಿಕಲ ಮಕ್ಕಳು ಸಾಧನೆ ಮಾಡುವುದಿಲ್ಲ ಎಂಬ ಆತಂಕ ಪಾಲಕರಲ್ಲಿ ಇಟ್ಟುಕೊಳ್ಳಬಾರದು. ಈ ಮಕ್ಕಳು ದೈಹಿಕ ಅಂಗವಿಕಲರಾಗಿದ್ದರೂ ಮಾನಸಿಕವಾಗಿ ತಮ್ಮದೇ ಆದ ಸಾಮರ್ಥ್ಯ ಹೊಂದಿರುತ್ತಾರೆ. ಅವರೊಂದಿಗೆ ಸಾಮರಸ್ಯದ ಬದುಕು ಸಾಗಿಸಬೇಕು. ಅಂಗವಿಕಲ ಮಕ್ಕಳ ಜನನಕ್ಕೆ ತಾಯಂದಿರಲ್ಲಿನ ಅನೇಕ ಸಮಸ್ಯೆಗಳು ಕಾರಣ. 18 ವರ್ಷ ತುಂಬದೇ ಹಾಗೂ 40 ವರ್ಷ ನಂತರ ಮಕ್ಕಳನ್ನು ಪಡೆಯುವುದು, ಮಾನಸಿಕವಾಗಿ ಖಿತನ್ನತೆಗೆ ಒಳಗಾಗುವುದು ಅಂಗವಿಕಲ ಮಕ್ಕಳ ಜನನಕ್ಕೆ ಕಾರಣವಾಗಲಿದ್ದು, ಪೋಷಕರು ವೈದ್ಯರಲ್ಲಿ ಸಲಹೆ ಪಡೆಯಬೇಕೆಂದರು.
