ಸದ್ಯ ಇದೇ ನಾಲೆ ನೀರು ತುಮಕೂರು ನಗರ ವಾಸಿಗಳಿಗೆ ಕುಡಿಯುವ ಉದ್ದೇಶಕ್ಕೆ ಸರಬರಾಜು ಮಾಡಲಾಗುತ್ತಿದೆ. ಕುಡಿಯಲು ಬಳಸುವ ಕೆರೆಗಳಿಗೆ ಯಾವುದೇ ಕಾರಣಕ್ಕೂ ತ್ಯಾಜ್ಯ ಹಾಗೂ ಮಲಿನ ನೀರು ಸೇರಬಾರದೆಂಬ ನಿಯಮವಿದ್ದರೂ, ಎಸ್ಟಿಪಿ ಘಟಕಕ್ಕೆ ಸಾಗಬೇಕಾದ ತ್ಯಾಜ್ಯ ನೀರು ನಗರಸಭೆ ಆಡಳಿತ ವೈಫಲ್ಯದಿಂದ ಗಾಂಧಿ ನಗರದಿಂದ ಹರಿದು, ಗೊರಗೊಂಡನಹಳ್ಳಿ, ಈಡೇನಹಳ್ಳಿ, ಬಂಡಿಹಳ್ಳಿ, ಹಿಂಡಿಸ್ಕೆರೆ, ಕೊಪ್ಪ ಮೂಲಕ ಸಾಗಿದ ನಂತರ ಹೇಮಾವತಿ ನೀರು ಹರಿಯುವ ಟಿ.ಸುಬ್ರಮಣ್ಯಂ ಎಡದಂಡೆ ನಾಲೆ ನಂ.3ಕ್ಕೆ ಸೇರುತ್ತಿತ್ತು. ಇದು ಜಿಲ್ಲಾಧಿಕಾರಿಗಳ ಗಮನಕ್ಕೆ ಬಂದು ಯಾವುದೇ ಕಾರಣಕ್ಕೂ ಕುಡಿಯುವ ನೀರು ನಾಲೆಗೆ ಸೇರದಂತೆ ಕ್ರಮ ವಹಿಸಿ ಎಂದು ನಗರಸಭೆಗೆ ಆದೇಶಿಸಿದ ಪರಿಣಾಮ, ನಾಲೆ ಸೇರುತ್ತಿದ್ದ ನೀರು ಕುಡಿಯುವ ನೀರಿನ ಸಂಗ್ರಹಾಗಾರ ಈಚನೂರು ಕೆರೆಗೆ ಸೇರುವಂತಾಗಿತ್ತು.
