ಕುಟುಂಬ ನಿರ್ವಹಣೆಗೆ ತೊಂದರೆ

ಕನಕಗಿರಿ: ಕಳೆದ 6 ತಿಂಗಳಿಂದ ವೇತನ ಮಂಜೂರು ಆಗದಿರುವುದನ್ನು ಖಂಡಿಸಿ ತಾಲೂಕು ನರೇಗಾ, ಬಿಎಫ್‌ಟಿ ಹಾಗೂ ಜಿಕೆಎಂ ಸಿಬ್ಬಂದಿ ಮಂಗಳವಾರ ತಾಪಂ ಕಚೇರಿಯಲ್ಲಿ ಪ್ರತಿಭಟನೆ ನಡೆಸಿದರು.

ಇದನ್ನೂ ಓದಿ:ಹಾನಗಲ್ಲ ನಗರದಲ್ಲಿ ಬಿಜೆಪಿ ಪ್ರತಿಭಟನೆ ಜುಲೈ 8ರಂದು; ಯುವತಿ, ಮಹಿಳೆಯರ ಮಾರಾಟ, ದೌರ್ಜನ್ಯ ಕೇಸ್ ಹೆಚ್ಚಳ ಹಿನ್ನೆಲೆ

ಹಿರಿಯ ಸಿಬ್ಬಂದಿ ಕನಕಪ್ಪ ಛಲವಾದಿ ಮಾತನಾಡಿ, ನರೇಗಾ, ಬಿಎಫ್‌ಟಿ, ಜೆಇ ಹಾಗೂ ಜಿಕೆಎಂ ಸಿಬ್ಬಂದಿಗೆ 6 ತಿಂಗಳಿನಿಂದ ವೇತನ ಪಾವತಿಸಿಲ್ಲ. ಮಕ್ಕಳ ಶಾಲಾ ಶುಲ್ಕ, ಕುಟುಂಬ ನಿರ್ವಹಣೆಗೆ ತೊಂದರೆಯಾಗುತ್ತಿದೆ. ವೇತನ ನಂಬಿಕೊಂಡು ಜೀವನ ನಡೆಸುವವರಿಗೆ ಸಾಲ ಮಾಡಬೇಕಾದ ಅನಿವಾರ್ಯತೆ ಎದುರಾಗಿದೆ. ಸರ್ಕಾರ ಶೀಘ್ರವಾಗಿ ವೇತನ ಪಾವತಿಸಬೇಕಿದೆ ಎಂದು ಒತ್ತಾಯಿಸಿದರು. ಸಿಬ್ಬಂದಿ ಮಂಜುನಾಥ, ಮೌನೇಶ, ಶಿವಕುಮಾರ, ಪೂಜೇಶ, ಜಿಂಕಮ್ಮ, ಹುಲಗಪ್ಪ, ರಾಕೇಶ, ಲಕ್ಷ್ಮೀ, ಪಲ್ಲವಿ, ಕಸ್ತೂರಿ ಇತರರಿದ್ದರು.