ಜಾನುವಾರು ಚಿಕಿತ್ಸೆಯಲ್ಲಿ ಧಾರವಾಡ ಅಗ್ರಸ್ಥಾನ; ರೈತರಿಗೆ ವರದಾನ ಪಶು ಸಂಜೀವಿನಿ

ಮ೦ಜುನಾಥ ಎಸ್. ಅಂಗಡಿ ಧಾರವಾಡ
ರೈತರ ಜೀವನಾಡಿಯಾಗಿರುವ ಎತ್ತು, ಎಮ್ಮೆ, ಹಸುಗಳು ಇದ್ದಲ್ಲೇ ಹೋಗಿ ಚಿಕಿತ್ಸೆ ನೀಡುವ ಪಶು ಸಂಜೀವಿನಿ' ಯೋಜನೆ ರಾಜ್ಯಾದ್ಯಂತ ಅನುಷ್ಠಾನಗೊಂಡಿದೆ. ಮೊಬೈಲ್ ವೆಟರ್ನರಿ ಕ್ಲಿನಿಕ್ (ಸಂಚಾರಿ ತುರ್ತು ಪಶು ಚಿಕಿತ್ಸಾ ವಾಹನ) ಸಮೇತ ವೈದ್ಯರ ತಂಡ ರೈತರ ಮನೆ ಬಾಗಿಲಿಗೇ ಹೋಗಿ ಚಿಕಿತ್ಸೆ ನೀಡುತ್ತಿದೆ.

ಕೇಂದ್ರ ಪುರಸ್ಕೃತ ಈ ಯೋಜನೆಯಡಿ ಜಾನುವಾರುಗಳ ಚಿಕಿತ್ಸೆಯಲ್ಲಿ ಧಾರವಾಡ ತಾಲೂಕು ಅಗ್ರಸ್ಥಾನದಲ್ಲಿದೆ. ಜಾನುವಾರುಗಳ ಆರೋಗ್ಯದಲ್ಲಿ ಏರುಪೇರಾದರೆ ಮೊದಲು ಪಶುಪಾಲನಾ ಮತ್ತು ಪಶು ವೈದ್ಯ ಸೇವಾ ಇಲಾಖೆಯ ಪಾಲಿಕ್ಲಿನಿಕ್‌ಗಳಿಗೆ ಹೋಗಬೇಕಿತ್ತು. ವೈದ್ಯರ ಕೊರತೆ ನೀಗಿಸುವುದು ಮತ್ತು ರೈತರ ಬವಣೆಯನ್ನು ಕಡಿಮೆ ಮಾಡುವ ಉದ್ದೇಶದಿಂದಪಶು ಸಂಜೀವಿನಿ' ಯೋಜನೆ ಜಾರಿಯಲ್ಲಿದೆ. ತಾಲೂಕಿಗೊಂದರAತೆ ಸಂಚಾರಿ ತುರ್ತು ಪಶು ಚಿಕಿತ್ಸಾ ವಾಹನಗಳನ್ನು ನೀಡಲಾಗಿದ್ದು, ವೈದ್ಯರ ತಂಡ ರೈತರಿದ್ದಲ್ಲಿ ಹೋಗಿ ಉಚಿತ ಚಿಕಿತ್ಸೆ ಮತ್ತು ಔಷಧೋಪಚಾರ ನೀಡುತ್ತಿದೆ.

• ಸಂಪರ್ಕ ಹೇಗೆ…?: ಜಾನುವಾರುಗಳು ಹಾಗೂ ಸಾಕುಪ್ರಾಣಿಗಳು ಅನಾರೋಗ್ಯಕ್ಕೀಡಾಗಿದ್ದರೆ ಪಶು ಸಂಜೀವಿನಿ ಯೋಜನೆ ಸಹಾಯವಾಣಿ ಸಂಖ್ಯೆ ೧೯೬೨ಗೆ ಕರೆ ಮಾಡಬೇಕು. ಇದು ರಾಜ್ಯಾದ್ಯಂತ ಕೇಂದ್ರೀಕೃತ ಸಹಾಯವಾಣಿಯಾಗಿದೆ. ಕರೆ ಮಾಡುವವರ ಹೆಸರು, ಜಿಲ್ಲೆ, ತಾಲೂಕು, ಗ್ರಾಮ ಮತ್ತು ಮೊಬೈಲ್ ಸಂಖ್ಯೆ ಪಡೆಯಲಾಗುತ್ತದೆ. ಜಾನುವಾರುಗಳಿಗೆ ಅಗತ್ಯ ಚಿಕಿತ್ಸೆಯನ್ನು ನಮೂದು ಮಾಡಿಕೊಳ್ಳಲಾಗುತ್ತದೆ. ಅಲ್ಲಿಂದ ಇಲಾಖೆಯ ಆಯಾ ತಾಲೂಕು ಆಸ್ಪತ್ರೆಗಳಿಗೆ ಸಂದೇಶ ರವಾನಿಸಲಾಗುತ್ತದೆ. ಕರೆ ಮಾಡಿದವರ ಹತ್ತಿರದಲ್ಲಿರುವ ಸಂಚಾರಿ ವಾಹನದ ವೈದ್ಯರಿಗೆ ಮಾಹಿತಿ ರವಾನಿಸಲಾಗುತ್ತದೆ. ೨- ೩ ಗಂಟೆಗಳಲ್ಲಿ ಸಂಚಾರಿ ವಾಹನ ಸಮೇತ ವೈದ್ಯರ ತಂಡ ಕರೆ ಮಾಡಿದವರ ಮನೆ ಬಾಗಿಲಿಗೆ ತೆರಳಿ ಚಿಕಿತ್ಸೆ ನೀಡುತ್ತಿದೆ.
• ಟಾಪ್ ೫ ಜಿಲ್ಲೆಗಳು: ಸಂಚಾರಿ ತುರ್ತು ಪಶು ಚಿಕಿತ್ಸಾ ವಾಹನದೊಂದಿಗೆ ಪಶು ಸಂಜೀವಿನಿ ತಂಡಗಳು ಸೆ. ೮ರಿಂದ ಸೇವೆ ನೀಡುತ್ತಿವೆ. ಸೆ. ೩೦ರವರೆಗೆ ಬೆಳಗಾವಿ ಜಿಲ್ಲೆಯು ಪ್ರಥಮ ಸ್ಥಾನದಲ್ಲಿದ್ದು, ೬೩೬ ಜಾನುವಾರುಗಳಿಗೆ ಚಿಕಿತ್ಸೆ ನೀಡಲಾಗಿದೆ. ನಂತರದ ಸ್ಥಾನದಲ್ಲಿ ಬಾಗಲಕೋಟೆ ೫೯೪, ಧಾರವಾಡ ೫೬೭, ಬೀದರ ೫೨೦, ಮೈಸೂರು ೪೪೯ ಹಾಗೂ ತುಮಕೂರು ತಂಡ ೩೬೦ ಜಾನುವಾರುಗಳ ಆರೋಗ್ಯ ತಪಾಸಣೆ ಮಾಡಿದೆ.
• ಧಾರವಾಡದ ರೈತರಿಗೆ ೨ ಸಸಿ: ಪಶುಗಳ ಚಿಕಿತ್ಸೆಯಲ್ಲಿ ಧಾರವಾಡ ತಾಲೂಕು ರಾಜ್ಯದಲ್ಲಿ ಪ್ರಥಮ ಸ್ಥಾನದಲ್ಲಿದೆ. ಡಾ. ನಿಽಶ್ರೀ ಜಕ್ಕಲಿ ಅವರು ಧಾರವಾಡ ಘಟಕದ ನೇತೃತ್ವ ವಹಿಸಿದ್ದು, ಸಿಬ್ಬಂದಿ ಅನಮೋಲ್ ರೆಡ್ಡಿ ಹಾಗೂ ಗುಡ್ಡಪ್ಪ ತಳವಾರ ಅವರನ್ನೊಳಗೊಂಡ ತಂಡದಿAದ ಈವರೆಗೆ ೨೦೪ ಜಾನುವಾರುಗಳಿಗೆ ಚಿಕಿತ್ಸೆ ನೀಡಿದೆ. ಪರಿಸರ ಸಂರಕ್ಷಣೆ ಬಗ್ಗೆ ವಿಶೇಷ ಕಾಳಜಿ ಹೊಂದಿರುವ ಡಾ. ನಿಽಶ್ರೀ ಸಹಾಯವಾಣಿಗೆ ಕರೆ ಮಾಡಿದ ರೈತರಿಗೆ ಉಚಿತ ೨ ಸಸಿ ನೀಡುತ್ತಿದ್ದಾರೆ. ಸಸಿಗಳನ್ನು ನೆಟ್ಟು ಪೋಷಣೆ ಮಾಡಿ ಎಂಬ ಸಂದೇಶ ಸಾರುತ್ತಿದ್ದಾರೆ.