ಬೆಳಗಾವಿ ಬಿಜೆಪಿ ಬಂಡಾಯ ಶಮನಕ್ಕೆ ಮುಂದಾದ ಪ್ರಧಾನ್​; ಆರದ ಬಿಸಿ

ಬೆಳಗಾವಿ: ರಾಜ್ಯ ವಿಧಾನಸಭೆ ಚುನಾವಣೆ ಹೊಸ್ತಿಲಲ್ಲಿ ಬೆಳಗಾವಿ ಜಿಲ್ಲೆಯ 18 ವಿಧಾನಸಬಾ ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನು ಘೋಷಿಸಿರುವ ಬಿಜೆಪಿಗೆ ಬಂಡಾಯ ಬಿಸಿ ತಟ್ಟಿದ್ದು ಶಮನ ಮಾಡುವುದಕ್ಕೆ ನಾಯಕರು ಮುಂದಾಗಿದ್ದಾರೆ.

ಜಿಲ್ಲೆಯಲ್ಲಿ ಬಿಜೆಪಿ ಅಭ್ಯರ್ಥಿಗಳ ಬಂಡಾಯ ತಣಿಸಲು ಕೇಂದ್ರ ಸಚಿವ ಕರ್ನಾಟಕ ವಿಧಾನಸಭೆ ಚುನಾವಣೆ ಉಸ್ತುವಾರಿ ಧರ್ಮೇಂದ್ರ ಪ್ರಧಾನ್​ ಶನಿವಾರ ಸಭೆ ನಡೆಸಿದ್ದಾರೆ.

ಆರದ ಬಂಡಾಯದ ಬಿಸಿ

ಬೆಳಗಾವಿಯ ಖಾಸಗಿ ಹೋಟೆಲ್​ನಲ್ಲಿ ಅತೃಪ್ತ ನಾಯಕರ ಜೊತೆ ಎರಡು ಘಂಟೆಗೂ ಹೆಚ್ಚು ಕಾಲ ಸಭೆ ನಡೆಸಿದ ಪ್ರಧಾನ್​ಗೆ ಟಿಕೆಟ್​ ಆಕಾಂಕ್ಷಿಗಳು ಯಾವುದೇ ಕಾರಣಕ್ಕೂ ಹಿಂದೆ ಸರಿಯುವ ಮಾತಿಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮಾಲೀಕರ ಮನೆಯಲ್ಲಿ ಆಭರಣ ಕಳವು; ಕೆಲಸದಾಕೆ ಸೇರಿ ಮೂವರ ಸೆರೆ

ಈ ವೇಳೆ ಬಂಡಾಯ ಶಮನಕ್ಕೆ ಇನ್ನಿಲ್ಲದ ಕಸರತ್ತು ನಡೆಸಿದ ಪ್ರಧಾನ್​ ಯೋಜನೆಗಳು ಯಾವುದು ಕೈಗೂಡಲಿಲ್ಲ ಮತ್ತು ತಾವು ಬಿಜೆಪಿ ಬಂಡಾಯ ಅಭ್ಯರ್ಥಿಗಳಾಗಿ ನಾಮಪತ್ರ ಸಲ್ಲಿಸುವುದಾಗಿ ಸಭೆಯಲ್ಲಿ ಹೇಳಿರುವುದಾಗಿ ತಿಳಿದು ಬಂದಿದೆ.

ಅಪೇಕ್ಷೆ ಸಹಜ

ಇನ್ನು ಈ ಕುರಿತು ಮಾತನಾಡಿದ ಧರ್ಮೇಂದ್ರ ಪ್ರಧಾನ್​ ಚುನಾವಣೆಯಲ್ಲಿ ಸ್ಪರ್ಧಿಸಲು ಅಪೇಕ್ಷಿಸಿದವರಿಗೆ ಟಿಕೆಟ್​ ಸಿಗದಿದ್ದಾಗ ನಿರಾಸೆ ಆಗುವುದು ಸಹಜ. ಈ ಬಾರಿಯ ಚುನಾವಣೆಯಲ್ಲಿ ಸ್ಪರ್ಧಿಸಲು ಬಿಜೆಪಿಯಿಂದ 25,000 ಸಾವಿರಕ್ಕೂ ಹೆಚ್ಚು ಆಕಾಂಕ್ಷಿಗಳಿದ್ದರು.

ಕೇಂದ್ರ ಸಂಸದೀಯ ಮಂಡಳಿಯೂ ನಿರಂತರ ಸಭೆಗಳನ್ನು ನಡೆಸಿ ಅಳೆದು ತೂಗಿ 224 ಕ್ಷೇತ್ರಕ್ಕೆ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಿದ್ಧಾರೆ. ಟಿಕೆಟ್​ ಘೋಷಿಸಿರುವ ಅಭ್ಯರ್ಥಿಗಳ ಪರವಾಗಿ ಕಟ್ಟುನಿಟ್ಟಾಗಿ ಕೆಲಸ ಮಾಡುವಂತೆ ಸೂಚಿಸಲಾಗಿದೆ ಎಂದು ಸಬೆ ನಂತರ ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್​ ತಿಳಿಸಿದ್ದಾರೆ.

https://www.vijayavani.net/neharu-olekar-slams-cm-bommai/

https://www.vijayavani.net/siddaramaiah-slams-bjp/