ಬೇಕು ಎನ್ನುವುದೇ ಪ್ರಪಂಚದಲ್ಲಿ ಹೆಚ್ಚು. ಆದರೆ, ಬೇಡ ಸಾಕು ಎನ್ನುವುದೇ ಸಂಯಮ. ಸಂಯಮದಿಂದಲೇ ಸಮೃದ್ಧಿಯ, ಪರಿಪೂರ್ಣತೆಯ, ಸಂತೃಪ್ತಿಯ ಬದುಕಾಗುತ್ತದೆ. ಈ ಲೋಕದಲ್ಲಿ ಸುಖ ದುಃಖ ಇದೆ. ಇದು ಮುಂದಿನ ಜೀವನದಲ್ಲಿ ಗತಿ, ಸದ್ಗತಿ ಬೇಕೆಂದು ಬಯಸುತ್ತದೆ. ಧರ್ಮ ಒಂದೇ ಉದ್ಧಾರ ಮಾಡಲು ಸಾಧ್ಯ. ಧರ್ಮ ಆಚರಣೆ ಮಾಡಿದವರು ಸುಖ, ನೆಮ್ಮದಿಯಿಂದ ಬದುಕಲು ಸಾಧ್ಯ. ಧರ್ಮ ಕಷ್ಟದಲ್ಲಿದ್ದವರನ್ನು ಎತ್ತಿ, ಅತಿ ಸುಖವನ್ನು ನೀಡುತ್ತದೆ. ಅದು ಯಾವ ಧರ್ಮ ಎಂದರೆ ಅತ್ಯುತ್ತಮ ಮಂಗಳ ಅಂಹಿಸಾ ಧರ್ಮ. ಮನ, ವಚನ, ಕಾರ್ಯ ಶುದ್ಧಿಯಿಂದ ಧರ್ಮ ಆಚರಿಸಿದರೆ ಸುಖ ಅನುಭವಿಸುತ್ತಾರೆ ಎಂದರು. ಶ್ರೀಮಠದ ಲಾಂಛನ, ಪತಾಕೆ, ಛತ್ರ, ಚಾಮರಗಳ ಜತೆ ನಡೆದ ಧರ್ಮಗ್ರಂಥಗಳು ಹಾಗೂ ಹಿರಿಯ ತೀರ್ಥಂಕರರ ಮೂರ್ತಿಗಳ ವಿಜಯದಶಮಿ ಮೆರವಣಿಗೆಗೆ ಶ್ರೀಗಳು ಚಾಲನೆ ನೀಡಿದರು.
