skilled ಕೌಶಲಭರಿತ ಶಿಕ್ಷಣ ಬೇಕೆ ಹೊರತು ಗಿಳಿಪಾಠವಲ್ಲ

ಇಲ್ಲಿನ ಗೋಕುಲ ರಸ್ತೆಯ ದೇಶಪಾಂಡೆ ಸ್ಕಿಲ್ಲಿಂಗ್ ವಿಭಾಗದಲ್ಲಿ ಫೆಸ್ಮಾ ಸ್ಟೇಕ್ ಹೋಲ್ಡರ್ಸ್​ನೊಂದಿಗೆ ಬುಧವಾರ ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯ ವತಿಯಿಂದ ಆಯೋಜಿಸಿದ್ದ ‘ಪದವಿಯಿಂದ ಉದ್ಯೋಗಾರ್ಹತೆಯವರೆಗೆ : ಪ್ರತಿಯೊಂದು ಕಾಲೇಜಿನ ಸಾಮೂಹಿಕ ಜವಾಬ್ದಾರಿ’ ಕುರಿತ ಸಂವಾದದಲ್ಲಿ ಅವರು ಮಾತನಾಡಿದರು.

ಇಂಜಿನಿಯರಿಂಗ್ ಪದವಿ ಮುಗಿಸಿ, ಉದ್ಯೋಗ ಪಡೆದಿರುವ ಅನೇಕರು 15-20 ಸಾವಿರ ರೂ.ಗಳಿಗೆ ಕೆಲಸ ಮಾಡುತ್ತಿದ್ದಾರೆ.

ಕಾಲೇಜುಗಳು ಕೇವಲ ಪಠ್ಯದಲ್ಲಿರುವ ವಿಷಯಗಳನ್ನು ವಿದ್ಯಾರ್ಥಿಗಳಿಗೆ ಹೇಳದೇ, ಕೌಶಲಭರಿತ ಶಿಕ್ಷಣ ನೀಡಬೇಕು.

ಪದವಿ ಮುಗಿಸಿ ಹೊರಗೆ ಹೋಗುವ ವಿದ್ಯಾರ್ಥಿಗಳು ತಮ್ಮ ಕೌಶಲದಿಂದಲೇ ಉದ್ಯೋಗ ಪಡೆದುಕೊಳ್ಳುವ ಅಥವಾ ಉದ್ದಿಮೆ ಪ್ರಾರಂಭಿಸುವ ಆತ್ಮಸ್ಥೈರ್ಯ ಪಡೆಯುವಂತಿರಬೇಕು ಎಂದರು. ವಿದ್ಯಾರ್ಥಿಗಳಿಗೆ ಕೌಶಲ, ಸಂವಹನ ಕಲೆಯಂತಹ ಶಿಕ್ಷಣವನ್ನು ನೀಡುವುದು ಪ್ರತಿಯೊಂದು ಕಾಲೇಜಿನ ಜವಾಬ್ದಾರಿ. ವಿದ್ಯಾರ್ಥಿಗಳು ಸಹ ತಮ್ಮ ಜವಾಬ್ದಾರಿಯನ್ನು ಅರಿತುಕೊಳ್ಳಬೇಕು ಎಂದು ಸಲಹೆ ನೀಡಿದರು.

ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಸಂವಹನ ಕಲೆ, ಕೌಶಲಭರಿತ ಶಿಕ್ಷಣ ಪಡೆದಿದ್ದಾರೆ ಎಂಬ ವಿಷಯ ಕಾಪೋರೇಟ್ ಸಂಸ್ಥೆಗಳ ಕಿವಿಗೆ ಬಿದ್ದರೆ, ಕಾಲೇಜು ಕ್ಯಾಂಪಸ್​ನಲ್ಲಿ ಸಂದರ್ಶನಕ್ಕೆ ದೌಡಾಯಿಸುತ್ತಾರೆ ಎಂದು ಹೇಳಿದರು.

ಶಿಕ್ಷಣ ಪದ್ಧತಿ ಬದಲಾಗಬೇಕು. ಹಳೆಯ ಇತಿಹಾಸವನ್ನೇ ಓದುತ್ತ ಹೋದರೆ ಉದ್ಯೋಗ ಸಿಗುವುದು ಕಷ್ಟವಾಗುತ್ತದೆ. ಇತಿಹಾಸದೊಂದಿಗೆ ಗುಣಾತ್ಮಕ ಶಿಕ್ಷಣವನ್ನೂ ಪಡೆಯಬೇಕು ಎಂದರು.

ವಿವಿ ಕುಲಸಚಿವ ಸಂತೋಷ ಕಾಮಗೌಡ ಮಾತನಾಡಿ, ಪದವೀಧರರೇ ಹೆಚ್ಚು ನಿರುದ್ಯೋಗಿಗಳಾಗುತ್ತಿದ್ದಾರೆ. ಇದಕ್ಕೆ ಕಾರಣ, ಉದ್ಯೋಗಶೀಲತೆಯ ಕೊರತೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದಡಿ 340 ಕಾಲೇಜುಗಳಿದ್ದು, ಅಂದಾಜು 1.50 ಲಕ್ಷ ವಿದ್ಯಾರ್ಥಿಗಳಿದ್ದಾರೆ. ಇವರಲ್ಲಿ ಅನೇಕ ವಿದ್ಯಾರ್ಥಿಗಳು ದೇಶಪಾಂಡೆ ಸ್ಕಿಲ್ಲಿಂಗ್​ನಲ್ಲಿ ಕೌಶಲ ತರಬೇತಿ ಪಡೆದುಕೊಳ್ಳುತ್ತಿದ್ದಾರೆ ಎಂದು ತಿಳಿಸಿದರು.

ಸಾಮಾನ್ಯ ವಿದ್ಯಾರ್ಥಿಗಳಿಗೂ ಹಾಗೂ ದೇಶಪಾಂಡೆ ಸ್ಕಿಲ್ಲಿಂಗ್​ನಲ್ಲಿ ಕೌಶಲ, ಸಂವಹನ ಕಲೆ ಹಾಗೂ ಇನ್ನಿತರ ವಿಷಯಗಳ ಬಗ್ಗೆ ತರಬೇತಿ ಪಡೆದುಕೊಂಡಿರುವ ವಿದ್ಯಾರ್ಥಿಗಳಿಗೂ ಅಜಗಜಾಂತರ ವ್ಯತ್ಯಾಸ ಇದೆ ಎಂದು ಹೇಳಿದರು.

ದೇಶಪಾಂಡೆ ಎಜ್ಯುಕೇಶನ್ ಟ್ರಸ್ಟ್ ಸಿಇಒ ಡಾ. ಪಿ.ಎನ್. ನಾಯಕ ಮಾತನಾಡಿ, ದೇಶಪಾಂಡೆ ಸ್ಕಿಲ್​ನಲ್ಲಿ ತರಬೇತಿ ಪಡೆದ ಅನೇಕ ವಿದ್ಯಾರ್ಥಿಗಳು ಅತ್ಯುತ್ತಮ ಸಂಸ್ಥೆಗಳಲ್ಲಿ ಉನ್ನತ ಉದ್ಯೋಗ ಪಡೆದುಕೊಂಡಿದ್ದಾರೆ ಎಂದು ತಿಳಿಸಿದರು.

ವಿವಿಧ ಕಾಲೇಜುಗಳು ಪ್ರಾಚಾರ್ಯರು, ವಿದ್ಯಾರ್ಥಿಗಳು ಭಾಗವಹಿಸಿದ್ದರು.