ಎಂಎಂ ಜೋಶಿ ಆಸ್ಪತ್ರೆಯಿಂದ ವಾಕ್ ಫಾರ್ ಸೈಟ್ sight

ಅತಿಥಿಯಾಗಿದ್ದ ಡಿಸಿಪಿ ಶ್ರುತಿ ಎನ್.ಎಸ್. ಹಾಗೂ ಧಾರವಾಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಬಂಡು ಕುಲಕರ್ಣಿ ಅವರು ವಾಕಥಾನ್ ಹಾಗೂ ಬೈಕ್ ರ್ಯಾಲಿಗೆ ಚಾಲನೆ ನೀಡಿದರು.

1,200 ಕ್ಕೂ ಹೆಚ್ಚು ಜನರು ವಾಕಥಾನ್​ನಲ್ಲಿ ಭಾಗವಹಿಸಿದ್ದರೆ, 100 ಕ್ಕೂ ಹೆಚ್ಚು ಬೈಕ್​ಗಳು ರ್ಯಾಲಿಯಲ್ಲಿ ಪಾಲ್ಗೊಂಡಿದ್ದವು.

ಕೆಎಂಸಿಆರ್​ಐ ನಿರ್ದೇಶಕ ಡಾ. ಉದಯ ಬಾಂದ್ರೆ, ಡಿಎಚ್​ಒ ಡಾ. ಎಫ್.ಕೆ. ಪರಶುರಾಮ, ಡಿಪಿಎಂ ಡಾ. ಕಲಸೂರಮಠ ಅತಿಥಿಯಾಗಿದ್ದರು.

ಎಂ.ಎಂ. ಜೋಶಿ ನೇತ್ರ ಸಂಸ್ಥೆಯ ನಿರ್ದೇಶಕರಾದ ಡಾ. ಕೆ.ವಿ. ಸತ್ಯಮೂರ್ತಿ, ಡಾ. ಆರ್. ಕೃಷ್ಣ ಪ್ರಸಾದ, ಡಾ. ಶ್ರೀನಿವಾಸ ಜೋಶಿ ಉಪಸ್ಥಿತರಿದ್ದರು. ಡಾ.ಅನಿಕೇತ ಶಾಸ್ತ್ರಿ ಹಾಗೂ ಡಾ. ಮನೋಹರ ಅವರು ನೇತ್ರದಾನದ ಮಹತ್ವ ವಿವರಿಸಿದರು.

ಹುಬ್ಬಳ್ಳಿ-ಧಾರವಾಡದ ಮೆಡಿಕಲ್ ರೆಪ್ರೆಸೆಂಟೇಟಿವ್​ಗಳಿಂದ ವಿಶೇಷ ಬೈಕ್ ರ‍್ಯಾಲಿ ಆಯೋಜಿಸಲಾಗಿತ್ತು. ರೋಟರಿ ಹುಬ್ಬಳ್ಳಿ ಸೆಂಟ್ರಲ್, ಲಯನ್ಸ್, ಲಿಯೋ, ಅಖಿಲ ಭಾರತೀಯ ತೇರಾಪಂಥ ಯುವಕ ಪರಿಷದ್ ಸೇರಿದಂತೆ ವಿವಿಧ ಸಂಘಟನೆಗಳು, ಕಾಲೇಜುಗಳ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.