Unkall kargil ಭಾರತವು ಬಲಿಷ್ಠ ಸೇನಾ ಶಕ್ತಿ ಹೊಂದಿದ ರಾಷ್ಟ್ರ

ಅತಿಥಿಯಾಗಿದ್ದ ಶಾಸಕ ಮಹೇಶ ಟೆಂಗಿನಕಾಯಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಪ್ರತಿ ವರ್ಷ ಕಾರ್ಗಿಲ್ ವಿಜಯ್​ ದಿವಸ ಆಚರಿಸಲಾಗುತ್ತದೆ. 1999ರ ಕಾರ್ಗಿಲ್ ಯುದ್ಧದಲ್ಲಿ ಪಾಕಿಸ್ತಾನದ ವಿರುದ್ಧ ಭಾರತದ ವಿಜಯ ಮತ್ತು ವೀರಯೋಧರ ತ್ಯಾಗವನ್ನು ಸ್ಮರಿಸುವ ದಿನವಾಗಿದೆ. ಪಾಕಿಸ್ತಾನವನ್ನು ಭಾರತದ ಸೈನಿಕರು ಹೆಮ್ಮೆಟಿಸಿ ಕಾರ್ಗಿಲ್ ನಿಂದ ಓಡಿಸಿದರು. ಈ ಸಂದರ್ಭದಲ್ಲಿ ನಮ್ಮ ನೂರಾರು ಸೈನಿಕರು ತಮ್ಮ ಪ್ರಾಣವನ್ನು ದೇಶಕ್ಕಾಗಿ ಅರ್ಪಣೆ ಮಾಡಿದರು ಎಂದು ಹೇಳಿದರು.

ಕೇಂದ್ರದಲ್ಲಿ ಬಲಿಷ್ಠ ಬಿಜೆಪಿ ನೇತೃತ್ವದ ಎನ್​ಡಿಎ ಸರ್ಕಾರವಿದ್ದು, ದೇಶದ ಗಡಿಯಲ್ಲಿ ಲೇಸರ್​ ಕಾಂಪೌಂಡ್​ ನಿರ್ಮಿಸಿದೆ ಮತ್ತು ಸೈನಿಕರಿಗೆ ಬುಲೆಟ್​ ಪ್ರೂಫ್​ ಜಾಕೆಟ್​ ಸೇರಿ ಸಕಲ ಮೂಲ ಸವಲತ್ತುಗಳನ್ನು ನೀಡಿದೆ. ದೇಶದ ಎಲ್ಲ ಪಡೆಗಳಿಗೆ ಮುಕ್ತ ಅವಕಾಶ ಕಲ್ಪಿಸಿದೆ ಎಂದು ಹೇಳಿದರು.

ಗಡಿ ವಿಚಾರದಲ್ಲಿ ಭಾರತದ ಸೈನಿಕರು ಅತ್ಯಂತ ಬಲಿಷ್ಠವಾಗಿದ್ದು ಜಗತ್ತಿನ ಮೂರನೇ ಅತಿದೊಡ್ಡ ಶಕ್ತಿಯಾಗಿ ಬೆಳೆಯುತ್ತಿದೆ ಎಂದರು.

ವೀರಪ್ಪ ಹಸ್ಬಿ, ಶೇಖಪ್ಪ ಬಟಕುರ್ಕಿ , ಕುಬೇರಪ್ಪ ನರೇಗಲ್​, ಪಂಚಾಕ್ಷರಿ ವಸ್ತ್ರದ, ಅಶೋಕ ಶಿವಳ್ಳಿ, ನವೀನ್​ ಮಡಿವಾಳರ, ವೆಂಕರೆಡ್ಡಿ ಇತರರು ಉಪಸ್ಥಿತರಿದ್ದರು.