Tulu Nadu ತುಳುನಾಡು ಪಂಚಾಂಗ ಕ್ಯಾಲೆಂಡರ್ -2026 ಬಿಡುಗಡೆ

ದೇವರುಗಳ ಸುಂದರ ಛಾಯಾಗ್ರಹಣವುಳ್ಳ ಕ್ಯಾಲೆಂಡರ್ ಒಂದು ರೀತಿ 12 ದೇವಸ್ಥಾನಗಳನ್ನು ಸುತ್ತಿದ ನೆನಪಾಗುತ್ತದೆ ಎಂದು ಶ್ರೀಗಳು ನುಡಿದರು.

ಕರ್ನಾಟಕದ ತುಳುನಾಡು ಎಂದು ಕರೆಯಲ್ಪಡುವ ದಕ್ಷಿಣ ಕನ್ನಡ, ಉಡುಪಿ ಹಾಗೂ ಕೇರಳದ ಕಾಸರಗೋಡು ಜಿಲ್ಲೆಯ ಪ್ರಮುಖ ಯಾತ್ರಾ ಕೇಂದ್ರವಾಗಿದ್ದು, ಅನೇಕ ಇತಿಹಾಸ ಪ್ರಸಿದ್ಧ ಪೌರಾಣಿಕ ಶ್ರದ್ಧಾ ಕೇಂದ್ರಗಳಾಗಿವೆ. 

2026ರ ಕ್ಯಾಲೆಂಡರನ್ನು ದೇವಸ್ಥಾನಗಳಾದ ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥಸ್ವಾಮಿ ದೇವಸ್ಥಾನ, ಅಜಿಪಲ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ, ಬೆಳ್ಳಾರೆ-ಸುಳ್ಯ, ಶ್ರೀ ಅನಂತಪದ್ಮನಾಭ ಸ್ವಾಮಿ ದೇವಸ್ಥಾನ, ಅನಂತಪುರ-ಕುಂಬಳೆ, ಧರ್ಮಸ್ಥಳ, ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ, ಕಟೀಲು ವಿಗ್ರಹ​ಗಳ ನೈಜ ಚಿತ್ರಣವನ್ನು ಹೊಂದಿದೆ. 

ಶ್ರೀ ಸದಾಶಿವ ದೇವಸ್ಥಾನ ಅಲೆಟ್ಟಿ, ಸುಳ್ಯ, ಶ್ರೀ ಶ್ರೀಕುರುಅಂಬಾ ರಾಜರಾಜೇಶ್ವರಿ ಸುಬ್ರಮಣ್ಯ ದೇವಸ್ಥಾನ, ಕೋಡಿಕಲ್, ಮಂಗಳೂರು, ಸುಳ್ಯ ಸೀಮೆ ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನ ತೊಡಿಕಾನ, ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ, ಕಾಪು, ಉಡುಪಿ, ಶ್ರೀ ಸಿದ್ಧಿವಿನಾಯಕ, ಹಟ್ಟಿಯಂಗಡಿ, ಕುಂದಾಪುರ, ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ, ಬಪ್ಪನಾಡು, ಮುಲ್ಕಿ, ಶ್ರೀ ಮಹಾವಿಷ್ಣು, ಕಾಯತೋಡಿ-ಸುಳ್ಯ, ಶ್ರೀ ಮಹಾವಿಷ್ಣು ದೇವಸ್ಥಾನ - ಕೆಮ್ಮಿಂಜೆ, ಪುತ್ತೂರು ದಕ್ಷಿಣ ಕನ್ನಡ ಇವುಗಳ ಮೂಲ ವಿಗ್ರಹದ ಅಲಂಕಾರವುಳ್ಳ ನೈಜ ಚಿತ್ರಣವನ್ನು ಹೊಂದಿದೆ. 

ಈ ವಿಶೇಷ ಕ್ಯಾಲೆಂಡರ್​ಗಳಿಗೆ ರಾಜ್ಯ ಹಾಗೂ ವಿದೇಶಗಳಲ್ಲಿ ಬೇಡಿಕೆ ಇದೆ. 

ಈ ಸಂದರ್ಭದಲ್ಲಿ ದಕ್ಷಿಣ ಕನ್ನಡ ದ್ರಾವಿಡ ಬ್ರಾಹ್ಮಣ ಸಮಾಜದ ಅಧ್ಯಕ್ಷ ಅನಂತ ಪದ್ಮನಾಭ ಐತಾಳ, ಗ್ಲೋಬಲ್ ಮೀಡಿಯಾದ ದಿನೇಶ ಶೆಟ್ಟಿ, ಸತೀಶ ರಾವ್, ಬಸವರಾಜ ಬಳಿಗಾರ, ಯೋಗೇಶ ಸಾಲಿಯಾನ್, ನವೀನ್ ಹಾಗೂ ದಿವಾಕರ ಭಟ್ ಉಪಸ್ಥಿತರಿದ್ದರು.