ಪ್ರಸಕ್ತ ಮುಂಗಾರು ಹಂಗಾಮಿನಲ್ಲಿ ಜಿಲ್ಲೆಯ ರೈತರು ಮುಖ್ಯವಾಗಿ ಆಹಾರ ಧಾನ್ಯಗಳಾದ ಭತ್ತ, ಜೋಳ, ಮುಸುಕಿನ ಜೋಳ, ಊದಲು, ಕೊರಲೆ, ನವಣೆ, ಬರಗು, ಸಾವೆ, ಹಾರಕ ಹಾಗೂ ದ್ವಿದಳ ಧಾನ್ಯಗಳಾದ ತೊಗರಿ, ಹುರಳಿ, ಉದ್ದು, ಹೆಸರು, ಅಲಸಂದಿ, ಅವರೆ ಹಾಗೂ ಶೇಂಗಾ, ಸೊಯಾಅವರೆ, ಹತ್ತಿ ಮತ್ತು ಕಬ್ಬು ಬೆಳೆಗಳನ್ನು ಬೆಳೆಯುತ್ತಾರೆ. ಅಳ್ನಾವರ ತಾಲೂಕಿನಲ್ಲಿ 5,654 ಹೆಕ್ಟೇರ್, ಧಾರವಾಡ ತಾಲೂಕಿನಲ್ಲಿ 57,855 ಹೆಕ್ಟೇರ್, ಕಲಟಗಿ ತಾಲೂಕಿನಲ್ಲಿ 37,817 ಹೆಕ್ಟೇರ್, ಹುಬ್ಬಳ್ಳಿ ತಾಲೂಕಿನಲ್ಲಿ 37,594 ಹೆಕ್ಟೇರ್, ಹುಬ್ಬಳ್ಳಿ ಶಹರ ತಾಲೂಕಿನಲ್ಲಿ 6,810 ಹೆಕ್ಟೇರ್, ಕುಂದಗೋಳ ತಾಲೂಕಿನಲ್ಲಿ 52,150 ಹೆಕ್ಟೇರ್, ನವಲಗುಂದ ತಾಲೂಕಿನಲ್ಲಿ 58,843 ಹೆಕ್ಟೇರ್ ಮತ್ತು ಅಣ್ಣಿಗೇರಿ ತಾಲೂಕಿನಲ್ಲಿ 26,554 ಹೆಕ್ಟೇರ್ ಭೂಪ್ರದೇಶ ಸೇರಿ ಜಿಲ್ಲೆಯಾದ್ಯಂತ 2,82,677 ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆ ಗುರಿ ಹೊಂದಲಾಗಿದೆ.
