ಸ್ಟ್ರಕ್ಚರಲ್ ಇಂಜಿನಿಯರಿಂಗ್ ತಾಂತ್ರಿಕ ಸಮ್ಮೇಳನ Structural

ನಗರದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ವಿವರ ನೀಡಿದ ಅಸೋಸಿಯೇಶನ್ ಅಧ್ಯಕ್ಷ ಡಾ. ಸತೀಶ ಅಣ್ಣಿಗೇರಿ, ಕೈಗಾರಿಕಾ ಅನುಭವ ಹಾಗೂ ಶೈಕ್ಷಣಿಕ ಮೇಲುಗೈ ನಡುವಿನ ಸಮನ್ವಯವನ್ನು ಬಲಪಡಿಸುವ ಉದ್ದೇಶವನ್ನು ಈ ಸಮ್ಮೇಳನ ಹೊಂದಿದೆ.

ಸಂರಚನಾ ಹಾಗೂ ನಾಗರಿಕ ಇಂಜಿನಿಯರಿಂಗ್ ಕ್ಷೇತ್ರದ ನವೀನ ತಂತ್ರಜ್ಞಾನಗಳು, ಶಾಶ್ವತ ನಿರ್ಮಾಣ ಪದ್ಧತಿಗಳು, ಎತ್ತರದ ಕಟ್ಟಡಗಳ ಸಂರಚನಾ ವ್ಯವಸ್ಥೆಗಳು, ಪುನಶ್ಚೇತನ ಇಂಜಿನಿಯರಿಂಗ್ ಹಾಗೂ ನಿರ್ಮಾಣ ಕ್ಷೇತ್ರದ ನವೀನ ವಸ್ತುಗಳ ಕುರಿತು ತಜ್ಞರಿಂದ ಉಪನ್ಯಾಸಗಳು ನಡೆಯಲಿವೆ ಎಂದು ಹೇಳಿದರು.

ತಾಂತ್ರಿಕ ವಕ್ತಾರರಾಗಿ ವೆಂಕಟೇಶ ಮೂರ್ತಿ ಕೆ.ಎಸ್., ಸಂಜಯ ಅಮೀನಭಾವಿ, ಸುದರ್ಶನ ಅಯ್ಯಂಗಾರ್, ಡಿ.ಕೆ. ಕುಲಕರ್ಣಿ ಹಾಗೂ ಮಮತಾ ಮೊಗಲಿ ಅವರು ವಿವಿಧ ವಿಷಯಗಳ ಕುರಿತು ಗೋಷ್ಠಿ ನಡೆಸಲಿದ್ದಾರೆ ಎಂದು ತಿಳಿಸಿದರು.

ಎಸ್​ಡಿಎಂ ಶಿಕ್ಷಣ ಸಂಸ್ಥೆ ಗೌರವ ಕಾರ್ಯದರ್ಶಿ ಜೀವಂಧರ ಕುಮಾರ, ಎಸ್​ಡಿಎಂ ಸಿಇಟಿ ಪ್ರಾಂಶುಪಾಲ ಡಾ. ರಮೇಶ ಚಕ್ರಸಾಲಿ, ನಾಗರಿಕ ಇಂಜನಿಯರಿಂಗ್ ವಿಭಾಗದ ಮುಖ್ಯಸ್ಥ ಡಾ. ರೆಜಿನಾಲ್ಡ್ ಫರ್ನಾಂಡೀಸ್, ಡಾ. ವಿ.ಬಿ. ಪಾಟೀಲ, ಆಸೀಫ್ ಇಕ್ಬಾಲ್ ದಾನವಾಡ ಅವರು ಅತಿಥಿಯಾಗಿ ಪಾಲ್ಗೊಳ್ಳುವರು.

ಆಯೋಜನಾ ಸಮಿತಿ ಅಧ್ಯಕ್ಷ ಡಾ.ವಿ.ಬಿ. ಪಾಟೀಲ, ಸಿಇಎ ಇಂಡಿಯಾ ಕಾರ್ಯದರ್ಶಿ ಆಸೀಫ್ ಇಕ್ಬಾಲ್ ದಾನವಾಡ ಇದ್ದರು.