ಧಾರವಾಡ

ದರ್ಗಾದಲ್ಲಿ ಎಸ್​ಐಆರ್ ಪ್ರಕ್ರಿಯೆ SIR

SIR ಹುಬ್ಬಳ್ಳಿ ಮಾಧವ ನಗರದ ಬೂತ್ ನಂಬರ್ 21ರ ದರ್ಗಾ.
SIR ಹುಬ್ಬಳ್ಳಿ ಮಾಧವ ನಗರದ ಬೂತ್ ನಂಬರ್ 21ರ ದರ್ಗಾ.
ಆನಂದಕುಮಾರ ಅಂಗಡಿ
Published on: 

ಪ್ರಮುಖ ಮುಖ್ಯಾಂಶಗಳು

  • ಬಿಜೆಪಿ ಬೂತ್ ಮಟ್ಟದ ಏಜೆಂಟ್, ಕಾರ್ಯಕರ್ತರನ್ನು ಕಂಡು ಪಲಾಯನಗೈದ ಬಿಎಲ್​ಒ.
  • ಬಿಎಲ್​ಒ ರಾಯಚೂರ ಸ್ಥಳದಿಂದ ಪಲಾಯನ ಮಾಡಿದ್ದಾರೆ.
  • ದರ್ಗಾದಲ್ಲಿ ಕುಳಿತು ಮತದಾರರ ಪಟ್ಟಿ ಪರಿಷ್ಕರಣೆ ಕಾರ್ಯದಲ್ಲಿ ತೊಡಗಿದ್ದರು.
SIR ದರ್ಗಾವೊಂದರಲ್ಲಿ ಕುಳಿತು ಎಸ್​ಐಆರ್ ಪ್ರಕ್ರಿಯೆ ನಡೆಸುತ್ತಿದ್ದ ಬಿಎಲ್​ಒ ಒಬ್ಬರು, ಬಿಜೆಪಿ ಕಾರ್ಯಕರ್ತರನ್ನು ಕಂಡೊಡನೆ ಪಲಾಯನ ಮಾಡಿದ ಘಟನೆ ಹುಬ್ಬಳ್ಳಿ ಮಾಧವ ನಗರದ ಬೂತ್ ನಂಬರ್ 21ರಲ್ಲಿ ಮಂಗಳವಾರ ನಡೆದಿದೆ.
ಮಧ್ಯಾಹ್ನ ಬಿಎಲ್​ಒ ಅಮೀರಖಾನ ರಾಯಚೂರು ಎಂಬುವವರು ಮಾಧವನಗರದ ಮಾಸಾಬಿ ದರ್ಗಾದಲ್ಲಿ ಕುಳಿತು ಎಸ್​ಐಆರ್ ಪ್ರಕ್ರಿಯೆ ನಡೆಸುತ್ತಿದ್ದರು.
ಕಳೆದ ಎರಡು ದಿನಗಳ ಹಿಂದೆಯೂ ಬಿಎಲ್​ಒ ಅಮೀರಖಾನ ರಾಯಚೂರು ಅದೇ ದರ್ಗಾದಲ್ಲಿ ಕುಳಿತು ಎಸ್​ಐಆರ್ ಪ್ರಕ್ರಿಯೆಯಲ್ಲಿ ತೊಡಗಿದ್ದರು.
ಆಗ, ಬಿಜೆಪಿಯ ಬೂತ್ ಲೆವೆಲ್ ಏಜೆಂಟ್​ರು ಚುನಾವಣೆ ಆಯೋಗದ ನಿಯಮದಂತೆ ಕಾರ್ಯ ನಿರ್ವಹಿಸುವಂತೆ ತಾಕೀತು ಮಾಡಿದ್ದರು.
ಪ್ರತಿ ಮನೆಗೆ ಭೇಟಿ ನೀಡುವ ಮೂಲಕ ಎಸ್​ಐಆರ್ ಕಾರ್ಯ ನಿರ್ವಹಿಸುವಂತೆ ಹೇಳಿದ್ದರು. ಆದರೂ, ಮಂಗಳವಾರವು ಸಹ ಅದೇ ದರ್ಗಾದಲ್ಲಿ ಕುಳಿತು ಮತದಾರರ ಪಟ್ಟಿ ಪರಿಷ್ಕರಣೆ ಕಾರ್ಯದಲ್ಲಿ ತೊಡಗಿದ್ದರು.
ಈ ಕುರಿತು ಮಾಹಿತಿ ಅರಿತ ಬಿಜೆಪಿಯ ಬೂತ ಮಟ್ಟದ ಏಜೆಂಟ್​ರು ಹಾಗೂ ಕಾರ್ಯಕರ್ತರು, ದರ್ಗಾಕ್ಕೆ ತೆರಳಿದರು. ಬಿಜೆಪಿಯವರನ್ನು ನೋಡುತ್ತಲೇ ಬಿಎಲ್​ಒ ರಾಯಚೂರ ಸ್ಥಳದಿಂದ ಪಲಾಯನ ಮಾಡಿದ್ದಾರೆ.
ಘಟನೆ ಕುರಿತು ಪ್ರತಿಕ್ರಿಯೆ ನೀಡಿರುವ ಶಾಸಕ ಮಹೇಶ ಟೆಂಗಿನಕಾಯಿ, ದರ್ಗಾದಲ್ಲಿ ಕುಳಿತು ಎಸ್​ಐಆರ್ ಪ್ರತಿಕ್ರಿಯೆ ನಡೆಸುತ್ತಿರುವುದು ಗಮನಕ್ಕೆ ಬಂದಿದೆ. ತಕ್ಷಣ ಮೇಲಾಧಿಕಾರಿಗಳಿಗೆ ಸ್ಥಳಕ್ಕೆ ಭೇಟಿ ನೀಡುವಂತೆ ಸೂಚಿಸಿದ್ದೇನೆ. ಚುನಾವಣೆ ಆಯೋಗದ ಸೂಚನೆಗಳನ್ನು ಉಲ್ಲಂಘಿಸುವವರ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net