ವೈಜ್ಞಾನಿಕತೆ, ಪಾಂಡಿತ್ಯ ಡಾ. ಆರ್.ಸಿ. ಹಿರೇಮಠರಲ್ಲಿತ್ತು

ಅವರು ಕರ್ನಾಟಕ ವಿದ್ಯಾವರ್ಧಕ ಸಂಘವು ಶುಕ್ರವಾರ ಆಯೋಜಿಸಿದ್ದ ಶ್ರೇಷ್ಠ ಭಾಷಾ ವಿಜ್ಞಾನಿ ಡಾ. ಆರ್.ಸಿ. ಹಿರೇಮಠ ದತ್ತಿ ಸಂಸ್ಮರಣೆ ಕಾರ್ಯಕ್ರಮದಲ್ಲಿ `ಆತ್ಮಕಥೆ ಉರಿಬರಲಿ ಸಿರಿಬರಲಿ' ವಿಷಯ ಕುರಿತು ಉಪನ್ಯಾಸ ನೀಡಿದರು. ಡಾ. ಆರ್.ಸಿ. ಹಿರೇಮಠ ಕಡು-ಬಡತನದ ಸಾಮಾನ್ಯ ಕುಟುಂಬದಲ್ಲಿ ಹುಟ್ಟಿ ಬಂದು, ಅಸಾಮಾನ್ಯರಾಗಿ ಬೆಳೆದು ಬಂದವರು. ತಮ್ಮ ಸ್ವಪ್ರತಿಭೆಯಿಂದಲೇ ಜ್ಞಾನ ದಾಸೋಹಿಯಾಗಿ, ಪ್ರಾಧ್ಯಾಪಕರಾಗಿ, ಕರ್ನಾಟಕ ವಿಶ್ವವಿದ್ಯಾಲಯದ ಕನ್ನಡ ಅಧ್ಯಯನ ಪೀಠ ಸ್ಥಾಪಕರಾಗಿ, ಕೊನೆಗೆ ಕುಲಪತಿಯಾಗಿ ವಿಶ್ವವಿದ್ಯಾಲಯ ಉನ್ನತ ಮಟ್ಟಕ್ಕೆ ಬೆಳೆಸಿದರು. ಒಬ್ಬ ಶ್ರೇಷ್ಠ ಸಂಶೋಧಕನಿಗಿರಬೇಕಾದ ವೈಜ್ಞಾನಿಕತೆ, ಸತ್ಯ ನಿಷ್ಠುರತೆ, ಪಾಂಡಿತ್ಯ ಅವರಲ್ಲಿತ್ತು ಎಂದರು.

ಕನ್ನಡ ಸಾಹಿತ್ಯದ ಜತೆಗೆ ಭಾಷಾಶಾಸ್ತ್ರ, ಜಾನಪದ ಶಾಸ್ತ್ರದಂತಹ ವಿಷಯ ಅಧ್ಯಯನಕ್ಕೆ ಅನುಕೂಲ ಕಲ್ಪಿಸಿದರು. ಅಳಿದು ಹೋಗುತ್ತಿದ್ದ ಸುಮಾರು 10 ಸಾವಿರ ಹಸ್ತಪ್ರತಿ ಸಂರಕ್ಷಿಸಿ ಸಂಗ್ರಹಿಸಿದ್ದರು. ವಚನ ಸಾಹಿತ್ಯ, ದಾಸಸಾಹಿತ್ಯ, ಗ್ರಂಥ ಪ್ರಕಟಣೆಯ ವಿಭಾಗ ಪ್ರಾರಂಭಿಸಿದರು. ವಿದೇಶಗಳಿಗೆ ಹೋಗಿ ಭಾಷಾಶಾಸ್ತ್ರದ ಬಗ್ಗೆ ಆಳವಾದ ಅಧ್ಯಯನ ಮಾಡಿದರು. ಯಾವ ಟಿಪ್ಪಣಿ ಇಲ್ಲದೇ ತಾಸುಗಟ್ಟಲೆ ನಿರರ್ಗಳವಾಗಿ ಉಪನ್ಯಾಸ ನೀಡುತ್ತಿದ್ದರು. ಅವರ ಆತ್ಮಕಥೆ ಜಗತ್ತಿನ ಆತ್ಮಕಥನದಲ್ಲೇ ಸರ್ವಶ್ರೇಷ್ಠವಾದುದು. ಅವರು ನಿಜ ಅರ್ಥದಲ್ಲಿ ಕನ್ನಡ ಸಾಹಿತ್ಯದ ಯುಗ ಪ್ರವರ್ತಕರಾಗಿದ್ದರು ಎಂದು ಹೇಳಿದರು.

ಅಧ್ಯಕ್ಷತೆ ವಹಿಸಿದ್ದ ಸಾಹಿತಿ ಡಾ. ಬಾಳಣ್ಣ ಶೀಗೀಹಳ್ಳಿ ಮಾತನಾಡಿದರು. ಶಂಕರ ಹಲಗತ್ತಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ದತ್ತಿದಾನಿ ಡಾ. ಶಶಿಕಲಾ ಹಿರೇಮಠ, ಎಂ.ಎo. ಚಿಕ್ಕಮಠ, ಶಂಕರಲಿoಗ ಶಿವಳ್ಳಿ, ಡಾ. ಲಿಂಗರಾಜ ಅಂಗಡಿ, ಸುರೇಶ ಭಂಡಾರಿ, ಡಾ. ಡಿ.ಎಂ. ಹಿರೇಮಠ ಇತರರಿದ್ದರು. ವೀರಣ್ಣ ಒಡ್ಡೀನ ಸ್ವಾಗತಿಸಿದರು. ಸುಮಿತ್ರಾ ಕಾಡದೇವರಮಠ ಪ್ರಾರ್ಥಿಸಿದರು. ಶಿವಾನಂದ ಭಾವಿಕಟ್ಟಿ ನಿರೂಪಿಸಿದರು. ಸತೀಶ ತುರಮರಿ ವಂದಿಸಿದರು.