ಭಾನುವಾರ ಬೆಳಿಗ್ಗೆ 6 ಗಂಟೆಗೆ ಬ್ರಾಹ್ಮಿ ಮುಹೂರ್ತದಲ್ಲಿ ಗ್ರಾಮದ ಹದಿಮೂರ ಕೇರಿ ಓಣಿಯ ವೇ.ಮೂ. ಈರಯ್ಯಸ್ವಾಮಿ ಕೆಂಬಾಗಿಮಠ ಹಾಗೂ ದೇವಸ್ಥಾನದ ಅರ್ಚಕ ಅಡಿವೆಪ್ಪ ಪೂಜಾರ ಇವರಿಂದ ಶ್ರೀ ರೇಣುಕಾ ಯಲ್ಲಮ್ಮ ದೇವಸ್ಥಾನದಲ್ಲಿ ಪ್ರತಿಷ್ಠಾಪಿಸಿರುವ ಶ್ರೀ ಯಲ್ಲಮ್ಮದೇವಿಗೆ ಹಾಗೂ ಪಂಚಲೋಹದ ಉತ್ಸವ ಮೂರ್ತಿಗೆ ರುದ್ರಾಭಿಷೇಕ, ಪಂಚಾಭಿಷೇಕ ಸೇರಿದಂತೆ ವಿವಿಧ ಬಗೆಯ ಪೂಜಾ ಕೈಂಕರ್ಯ ನೆರವೇರಿದವು. ನಂತರ ಯಲ್ಲಮ್ಮದೇವಿಯ ಉತ್ಸವ ಮೂರ್ತಿಯ ಮೆರವಣಿಗೆ ಅದ್ದೂರಿಯಾಗಿ ಜರುಗಿತು. ಭಾರತ ಹುಣ್ಣಿಮೆಯ ನಿಮಿತ್ತ ಸಾವಿರಾರು ಭಕ್ತರು ಶ್ರೀದೇವಿಯ ಗುಡಿಗೆ ಬಂದು ಹಡ್ಡಲಿಗೆ ತುಂಬಿಸಿ ಭಕ್ತಿ ಸಮರ್ಪಿಸಿದರು. ನಂತರ ಭಕ್ತರಿಗೆ ಮಹಾಪ್ರಸಾದ ಜರುಗಿತು.
