Recon expo ರಿಯಲ್​ ಎಸ್ಟೇಟ್​ ಕನ್​ಸ್ಟ್ರಕ್ಶನ್​ ಎಕ್ಸಪೋ

ಹುಬ್ಬಳ್ಳಿ: recon expo ಉತ್ತರ ಕರ್ನಾಟಕದ ಅತ್ಯಂತ ದೊಡ್ಡ ಪ್ರಾಪರ್ಟಿ, ಇಂಟಿರಿಯರ್​ ಹಾಗೂ ಕನ್​ಸ್ಟ್ರಕ್ಶನ್​ ಮಟೆರಿಯಲ್​ "ರೆಕಾನ್​ ಎಕ್ಸಪೋ- 2026' ಪ್ರದರ್ಶನವನ್ನು ಇಲ್ಲಿಯ ಗೋಕುಲ ರಸ್ತೆ ಏರ್​ಪೋರ್ಟ್​ ಬಳಿಯ ದೇಶಪಾಂಡೆ ಸ್ಟಾರ್ಟ್​ ಅಪ್ಸ್​ ಎದುರಿನ ಮೈದಾನದಲ್ಲಿ ಜ. 9ರಿಂದ ಮೂರು ದಿನಗಳವರೆಗೆ ಹುಬ್ಬಳ್ಳಿ ಧಾರವಾಡ ಕ್ರೆಡೈ ವತಿಯಿಂದ ಆಯೋಜಿಸಲಾಗಿದೆ ಎಂದು ಅಧ್ಯಕ್ಷ ಗುರುರಾಜ್​ ಅಣ್ಣಿಗೇರಿ ತಿಳಿಸಿದರು.

ನಗರದ ಪ್ರದರ್ಶನ ಸ್ಥಳದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ರಿಯಲ್​ ಎಸ್ಟೇಟ್​, ಒಳಾಂಗಣ ವಿನ್ಯಾಸ ಮತ್ತು ನಿರ್ಮಾಣ ಸಾಮಗ್ರಿಗಳ ಪ್ರದರ್ಶನ ಇದಾಗಿದೆ. ಪ್ರತಿದಿನ ಬೆಳಗ್ಗೆ 11ರಿಂದ ರಾತ್ರಿ 9ರ ವರೆಗೆ ಪ್ರದರ್ಶನ ವೀಕ್ಷಣೆ ಮಾಡಬಹುದು. ಸಾರ್ವಜನಿಕರಿಗೆ ಮುಕ್ತ ಅವಕಾಶವಿದೆ ಎಂದರು.

​ಬಿಯಾಂಡ್ ಬೆಂಗಳೂರು ಪರಿಕಲ್ಪನೆಯಡಿ ಹುಬ್ಬಳ್ಳಿ ಧಾರವಾಡವು ಉತ್ತರ ಕರ್ನಾಟಕ ಭಾಗದಲ್ಲಿ ಅತ್ಯಂತ ಪ್ರಮುಖ ಹೂಡಿಕೆ ತಾಣವಾಗಿದೆ. ಇದಕ್ಕೆ ಪ್ರದರ್ಶನವು ಪೂರಕವಾಗಲಿದೆ. ಅನೇಕ ಬ್ಯಾಂಕ್​ಗಳು ಮಳಿಗೆ ತೆರೆಯಲಿದ್ದು, ಸಾಲ ಸೌಲಭ್ಯ ಒದಗಿಸಲಿವೆ ಎಂದರು.

ರೆಕಾನ್​ ಎಕ್ಸಪೋ ಸಂಚಾಲಕ ಇಸ್ಮಾಯಿಲ್​ ಸಂಶಿ ಮಾತನಾಡಿ, ಕ್ರೆಡೈನಿಂದ ಇದೇ ಮೊದಲ ಬಾರಿ ಯಶ್​ ಇವೆಂಟ್ಸ್​ ಸಹಯೋಗದೊಂದಿಗೆ ಒಂದು ಲಕ್ಷ ಚದರ ಅಡಿ ವಿಸ್ತೀರ್ಣದಲ್ಲಿ 150ಕ್ಕೂ ಹೆಚ್ಚು ಸ್ಟಾಲ್​ಗಳನ್ನು ನಿರ್ಮಿಸಲಾಗಿದ್ದು, ಇದೊಂದು ಮೆಗಾ ಎಕ್ಸಪೋ ಆಗಿದೆ ಎಂದರು.

ಉತ್ತರ ಕರ್ನಾಟಕ ಅಷ್ಟೇ ಅಲ್ಲದೇ ಬೆಂಗಳೂರು, ಮೈಸೂರು, ದಾವಣಗೆರೆ ಮುಂತಾದ ಜಿಲ್ಲೆಗಳಿಂದಲೂ ಪ್ರಾಪರ್ಟಿ ಕನ್ಸಲ್ಟಂಟ್​ಗಳು, ಬಿಲ್ಡರ್​ಗಳು ಭಾಗವಹಿಸುತ್ತಿದ್ದಾರೆ. ದುಬೈ ಮೂಲದ ಸಂಸ್ಥೆಯೊಂದು ಪಾಲ್ಗೊಳ್ಳುತ್ತಿರುವುದು ವಿಶೇಷವಾಗಿದೆ ಎಂದರು.

ನಿವೇಶನಗಳು, ಫ್ಲಾಟ್ ​ಗಳು, ವಾಣಿಜ್ಯ ಮಳಿಗೆಗಳು, ನವೀನ ನಿರ್ಮಾಣ ಸಾಮಗ್ರಿಗಳು, ಆಧುನಿಕ ಒಳಾಂಗಣ ವಿನ್ಯಾಸಗಳನ್ನು ಒಂದೇ ಸೂರಿನಡಿ ವೀಕ್ಷಿಸಲು ಸಾರ್ವಜನಿಕರಿಗೆ ಅವಕಾಶವಿದೆ ಎಂದರು.

ಕ್ರೆಡೈ ಚೇರ್ಮನ್​ ಸಂಜಯ ಕೊಠಾರಿ ಮಾತನಾಡಿ, ಕರ್ನಾಟಕದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಅವಳಿನಗರದ ಅನೇಕ ಜನರಿಗೆ ಸ್ವಂತ ಸೂರು ನನಸಾಗಿಸಿಕೊಳ್ಳಲು ಇದು ಉತ್ತಮ ವೇದಿಕೆಯಾಗಲಿದೆ ಎಂದರು.

ಅಧ್ಯಕ್ಷ ಅಮೃತ್​ ಮೆಹರವಾಡೆ, ಸ್ಮಾರ್ಟ್​ ಸಿಟಿಗಳಲ್ಲಿ ಒಂದಾಗಿರುವ ಹುಬ್ಬಳ್ಳಿ ಧಾರವಾಡದಲ್ಲಿ ಇಂತಹ ಕಾರ್ಯಕ್ರಮಗಳ ಮೂಲಕ ಹೂಡಿಕೆದಾರರನ್ನು ಸೆಳೆಯಲು ಸಹಕಾರಿಯಾಗಲಿದೆ ಎಂದರು.

ಕಾರ್ಯದರ್ಶಿ ಸತೀಶ ಮುನವಳ್ಳಿ ಮಾತನಾಡಿ, ಪ್ರದರ್ಶನಕ್ಕೆ ಬರುವ ಸಾರ್ವಜನಿಕರಿಗೆ ಐಫೋನ್ 17 ಪ್ರೋ ಗೆಲ್ಲುವ ಅವಕಾಶವಿದೆ. ಬಂದವರಿಗೆ ಕೂಪನ್​ ನೀಡಲಾಗುತ್ತಿದ್ದು, ನಿತ್ಯವೂ ಒಬ್ಬ ಲಕ್ಕಿ ವಿಜೇತರನ್ನು ಆಯ್ಕೆ ಮಾಡಲಾಗುತ್ತದೆ ಎಂದರು.

ಬಸ್​ ಸೌಲಭ್ಯ: ಎಕ್ಸಪೋ ಸ್ಥಳಕ್ಕೆ ಬಂದು ಹೋಗಲು ಸಾರ್ವಜನಿಕರಿಗೆ ಉಚಿತ ಬಸ್​ ವ್ಯವಸ್ಥೆ ಮಾಡಲಾಗಿದೆ. ಹೊಸೂರ, ಹೊಸ ಹಾಗೂ ಹಳೇ ಬಸ್​ ನಿಲ್ದಾಣ, ರೈಲು ನಿಲ್ದಾಣಗಳಿಂದ ಬಸ್​ ಸೇವೆ ಇರಲಿದೆ ಎಂದು ಸಂಘಟಕರು ತಿಳಿಸಿದ್ದಾರೆ.

ಉದ್ಘಾಟನೆ: ಜ. 9ರಂದು ಬೆಳಗ್ಗೆ 11ಕ್ಕೆ ನಡೆಯುವ ಉದ್ಘಾಟನೆ ಸಮಾರಂಭದಲ್ಲಿ ಸ್ಯಾಂಡಲ್​ವುಡ್​ ತಾರೆ ಡಿಂಪಲ್​ ಕ್ವೀನ್​ ರಚಿತಾ ರಾಮ್​ ಪಾಲ್ಗೊಳ್ಳುವರು. ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ, ಸಭಾಪತಿ ಬಸವರಾಜ ಹೊರಟ್ಟಿ, ಮಾಜಿ ಸಿಎಂ ಜಗದೀಶ ಶೆಟ್ಟರ್​, ಜಿಲ್ಲಾ ಉಸ್ತುವಾರಿ ಸಚಿವ ಸಂತೋಷ ಲಾಡ್​, ಶಾಸಕರಾದ ಪ್ರಸಾದ ಅಬ್ಬಯ್ಯ, ಅರವಿಂದ ಬೆಲ್ಲದ, ಮಹೇಶ ಟೆಂಗಿನಕಾಯಿ, ಶ್ರೀನಿವಾಸ ಮಾನೆ, ಮೇಯರ್​ ಜ್ಯೋತಿ ಪಾಟೀಲ, ಜಿಲ್ಲಾಧಿಕಾರಿ ದಿವ್ಯ ಪ್ರಭು, ಕ್ರೆಡೈ ಕರ್ನಾಟಕ ಅಧ್ಯಕ್ಷ ಭಾಸ್ಕರ್​ ನಾಗೇಂದ್ರಪ್ಪ ಭಾಗವಹಿಸುವರು.