ಜಮ್ಮು-ಕಾಶ್ಮೀರ (Ranaji cricket) ಬೃಹತ್ ಮೊತ್ತ

ರಾಜನಗರ ಮೈದಾನದಲ್ಲಿ ಬುಧವಾರದ ಅಂತ್ಯಕ್ಕೆ 6 ವಿಕೆಟ್​ಗೆ 527 ರನ್ ಗಳಿಸಿದೆ. ನಾಯಕ ಪಾರಸ್ ಡೋಗ್ರಾ (70ರನ್, 166ಎಸೆತ, 8 ಬೌಂಡರಿ), ವಿಕೆಟ್ ಕೀಪರ್ ಕನ್ನಯ್ಯಾ ವಾಧವನ್ (70ರನ್, 109ಎಸೆತ, 9 ಬೌಂಡರಿ) ಹಾಗೂ ಸಾಹಿಲ್ ಲೋತ್ರಾ (57ರನ್ ಅ, 93ಎಸೆತ, 7ಬೌಂಡರಿ) ಇವರ ಅರ್ಧಶತಕಗಳು ಬೃಹತ್ ಮೊತ್ತಕ್ಕೆ ಕಾರಣವಾದವು.

ನಿನ್ನೆ ಗಾಯಗೊಂಡು ನಿವೃತ್ತರಾಗಿದ್ದ ನಾಯಕ ಪಾರಸ್ ಡೋಗ್ರಾ ಇಂದು 5ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಇಳಿದು, ನೆಲಕಚ್ಚಿ ನಿಂತು ಕರ್ನಾಟಕ ಬೌಲರ್​ಗಳನ್ನು ಕಾಡಿದರು. ಡೋಗ್ರಾ 5ನೇ ವಿಕೆಟ್​ಗೆ ವಿಕೆಟ್ ಕೀಪರ್ ಕನ್ನಯ್ಯಾ ವಾಧವನ್ ಜತೆಗೂಡಿ 110 ರನ್ ಹಾಗೂ 6ನೇ ವಿಕೆಟ್​ಗೆ ಸಾಹಿಲ್ ಲೋತ್ರಾ ಜತೆ ಉಪಯುಕ್ತ 54 ರನ್ ಸೇರಿಸಿದರು. ಮುರಿಯದ 7ನೇ ವಿಕೆಟ್​ಗೆ ಸಾಹಿಲ್ ಲೋತ್ರಾ ಹಾಗೂ ಅಭಿದ್ ಮುಷ್ತಾಕ್ 56 ರನ್ ಸೇರಿಸಿದ್ದು, ತಂಡದ ಮೊತ್ತ 527ರನ್ ಆಗಿದ್ದಾಗ ಮಂದ ಬೆಳಕಿನ ಕಾರಣಕ್ಕೆ ಪಂದ್ಯವನ್ನು ನಿಲ್ಲಿಸಲಾಯಿತು. ಬಳಿಕ ಹನಿ ಹನಿ ಮಳೆಯೂ ಸುರಿದ ಪರಿಣಾಮ 2ನೇ ದಿನದ ಆಟವನ್ನು ಕೊನೆಗೊಳಿಸಲಾಯಿತು.

ಜಮ್ಮು- ಕಾಶ್ಮೀರ : 156 ಓವರ್​ಗಳಲ್ಲಿ 6 ವಿಕೆಟ್​ಗೆ 527ರನ್ (ಶುಭಂ ಪುಂದಿರ 121, ಪಾರಸ್ ಡೋಗ್ರಾ 70, ಅಬ್ದುಲ್ ಸಮದ್ 61, ಕನ್ನಯ್ಯಾ ವಾಧವನ್ 70, ಸಾಹಿಲ್ ಲೋತ್ರಾ 57ಅ, ಅಬಿದ್ ಮುಷ್ತಾಕ್ 20ಅ, ಪ್ರಸಿದ್ಧ ಕೃಷ್ಣ 90ಕ್ಕೆ 3, ಶ್ರೇಯಸ್ ಗೋಪಾಲ 130ಕ್ಕೆ 1, ಶಿಖರ ಶೆಟ್ಟಿ 112ಕ್ಕೆ 1, ವಿದ್ಯಾಧರ ಪಾಟೀಲ 104ಕ್ಕೆ 1)