ಘನತ್ಯಾಜ್ಯ ವಿಲೇವಾರಿ ಘಟಕ ಕಾಮಗಾರಿ ವಿರೋಧಿಸಿ ಪ್ರತಿಭಟನೆ

ಗ್ರಾಮದ ಗುಡ್ಡದಲ್ಲಿ ಪಾಲಿಕೆಯ ಘನತ್ಯಾಜ್ಯ ವಿಲೇವಾರಿ ಘಟಕ ನಿರ್ಮಾಣ ಪ್ರಕ್ರಿಯೆ ನಡೆಯುತ್ತಿದೆ. ಇದರಿಂದ ಶಿವಳ್ಳಿ ಹಾಗೂ ಸುತ್ತಲಿನ ಸುಳ್ಳ, ಹೆಬ್ಬಳ್ಳಿ, ಮಾರಡಗಿ, ಸೋಮಾಪೂರ, ಗೊಂಗಡಿಕೊಪ್ಪ, ವನಹಳ್ಳಿ ಗ್ರಾಮಗಳ ಜನರ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮಗಳು ಉಂಟಾಗಲಿವೆ. ಆದ್ದರಿಂದ ಘಟಕ ನಿರ್ಮಾಣಕ್ಕೆ ಅವಕಾಶ ನೀಡಬಾರದು ಎಂದು ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗೆ ಮನವಿ ಸಲ್ಲಿಸಿದರು.

ಕೂಡಲೇ ಕಾಮಗಾರಿ ಸ್ಥಗಿತಗೊಳಿಸದಿದ್ದರೆ ಧಾರವಾಡ- ನವಲಗುಂದ ರಸ್ತೆ ಬಂದ್​ ಮಾಡಿ ಪ್ರತಿಭಟನಾ ಧರಣಿ ಹಮ್ಮಿಕೊಳ್ಳಲಾಗುವುದು ಎಂದು ಮನವಿಯಲ್ಲಿ ತಿಳಿಸಿದ್ದಾರೆ.

ಶಿವಾನಂದ ಮುದ್ದಿ, ಶಿವು ಬೆಳಾರದ, ನೇಮಣ್ಣ ಮುಗದ, ಜಯಣ್ಣ ಮುದ್ದಿ, ಮಲ್ಲಿಕಾರ್ಜುನ ಚಿನಗುಡಿ, ರಾಜು ಮುದ್ದಿ, ಸಿದ್ದಪ್ಪ ಮುಳ್ಳೂರ, ಮುದಕಪ್ಪ ಬಿಲ್ಲಿಂಗನವರ, ಬಸವರಾಜ ಹುಬ್ಬಳ್ಳಿ, ನಿಂಗಪ್ಪ ಲಂಕೆಣ್ಣವರ, ಮುತ್ತು ನೇಗಿನಾಳ, ಇತರರಿದ್ದರು.