ಲವ್​ ಜಿಹಾದ್​ ಆರೋಪಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಿ: ಪ್ರಮೋದ ಮುತಾಲಿಕ್​ ಒತ್ತಾಯ

ತಾಲೂಕಿನ ಹನುಮನಕೊಪ್ಪದ ಪೇಂಟರ್​ ನಯೀಂಬೇಗ್​ ಜೋರಮ್ಮನವರ ಎಂಬಾತ ಅಪ್ತಾಪ್ತೆ ಪೂರ್ಣಿಮಾ ವಡ್ಡರ ಅವಳನ್ನು ಪುಸಲಾಯಿಸಿ ಪೀತಿಯ ನಾಟಕವಾಡಿದ್ದ. ತನ್ನ ಗೆಳೆಯ ಸಾಹಿಲ್​ ಜತೆಗೂಡಿ ಅಪ್ರಾಪ್ತೆಯನ್ನು ಲೈಂಗಿಕತೆಗೆ ಬಳಸಿಕೊಂಡಿದ್ದಾನೆ. 80ಕ್ಕೂ ಹೆಚ್ಚು ಅಶ್ಲೀಲ ವಿಡಿಯೋ ಮಾಡಿ ಚಿತ್ರಹಿಂಸೆ ಕೊಟ್ಟಿದ್ದಾರೆ. ಆಕೆಯ ಆತ್ಮಹತ್ಯೆಗೆ ಪ್ರೇರೇಪಿಸಿದ್ದಾರೆ ಎಂದರು.

ಗರಗ ಠಾಣೆ ಪೊಲೀಸರು ಮುಸ್ಲಿಂ ಯುವಕರ ರಕ್ಷಣೆಗೆ ನಿಂತಿದ್ದಾರೆ. ಪೂರ್ಣಿಮಾ ಸಾಯುವ ಮೊದಲು ನಡೆದ ರಾಜಿ ಪಂಚಾಯಿತಿ ಹೆಸರಲ್ಲಿ ಹಣ ಹೊಡೆದಿದ್ದಾರೆ. ಅಂದೇ ಪೋಕ್ಸೋ ಪ್ರಕರಣ ದಾಖಲಿಸಿದ್ದರೆ ದಲಿತ ಅಪ್ರಾಪ್ತೆಯ ಜೀವ ಉಳಿಯುತ್ತಿತ್ತು. ಪೂರ್ಣಿಮಾ ಮೃತಪಟ್ಟ ನಂತರ ದಲಿತ ದಂಪತಿ ನ್ಯಾಯಾಕ್ಕಾಗಿ ಹೋದರೆ ಸ್ಪಂದಿಸಿಲ್ಲ. ಪೊಲೀಸರ ನಿಷ್ಕಾಳಜಿಯ ಬಗ್ಗೆಯೂ ತನಿಖೆಯಾಗಬೇಕು. ಆರಂಭದಲ್ಲೇ ಪೊಲೀಸರು ಕಠಿಣ ಕ್ರಮ ಜರುಗಿಸಬೇಕಿತ್ತು. ನಾಗರಿಕ ಹಕ್ಕು ಜಾರಿ ನಿರ್ದೇಶನಾಲಯ ಕಣ್ಣು ಮುಚ್ಚಿ ಕುಳಿತಿದೆ. ತಪ್ಪಿತಸ್ಥ ಯುವಕರನ್ನು ಬಂಧಿಸಿ ಕಠಿಣ ಕಾನೂನು ಕ್ರಮ ಜರುಗಿಸಲು ಆಗದಿದ್ದರೆ ನಮಗೆ ಒಪ್ಪಿಸಿ, ನಾವು ತಕ್ಕ ಶಾಸ್ತಿ ಮಾಡುತ್ತೇವೆ ಎಂದು ಮುತಾಲಿಕ್​ ಗುಡುಗಿದರು.

ದಲಿತ ಸಂಘರ್ಷ ಸಮಿತಿ ರಾಜ್ಯ ಸಂಟನಾ ಸಂಚಾಲಕಿ ಹೇಮಾವತಿ ಟಿ. ಮಾತನಾಡಿ, ಅನಕ್ಷರಸ್ಥ, ಬಡ ದಲಿತ ಕುಟುಂಬದವನ್ನು ಶೋಷಿಸಲಾಗಿದೆ. ಹೀಗಾಗಿ ಸರ್ಕಾರ ಅವರ ಕುಟುಂಬಕ್ಕೆ 25 ಲಕ್ಷ ರೂಪಾಯಿ ಪರಿಹಾರ ನೀಡಬೇಕು. ಗೊತ್ತಿದ್ದೂ ಗೊತ್ತಿಲ್ಲದಂತಿರುವ ಅಂಜುಮನ್​ ಸಂಸ್ಥೆ ಮುಖ್ಯಸ್ಥರು, ದಲಿತ ಯುವತಿ ಸಾವಿಗೆ ಕಾರಣರಾದ ತಪ್ಪಿತಸ್ಥರಿಗೆ ಏನು ಶಿಕ್ಷೆ ಕೊಡಬೇಕು ಎಂಬುದನ್ನು ಅವರೇ ಹೇಳಬೇಕು ಎಂದರು.

ಮೃತ ರ್ಪೂಣಿಮಾ ತಂದೆ ಶಿವಪ್ಪ ಒಡ್ಡರ, ತಾಯಿ ರೇಖಾ, ಮುಖಂಡ ರಾಮಣ್ಣ ವಡ್ಡರ, ಜೈ ಭೀಮ ಸಂಟನೆ ವಿಶ್ವನಾಥ, ಶ್ರೀರಾಮ ಸೇನೆಯ ಅಣ್ಣಪ್ಪ ದೀವಟಗಿ ಸುದ್ದಿಗೋಷ್ಠಿಯಲ್ಲಿದ್ದರು.