pilot speech ವಿದ್ಯಾರ್ಥಿಗಳಲ್ಲಿ ಕುತೂಹಲ ಕೆರಳಿಸಿದ ಪೈಲಟ್​ ವೃತ್ತಿ

ಹುಬ್ಬಳ್ಳಿ: pilot speech ಸಂಸ್ಕಾರ ಇಂಗ್ಲಿಷ್​ ಮೀಡಿಯಂ ಸ್ಕೂಲ್​ನಲ್ಲಿ 9ಮತ್ತು 10ನೇ ತರಗತಿಯ ವಿದ್ಯಾರ್ಥಿಗಳಿಗಾಗಿ ವಿಶೇಷ ಉಪನ್ಯಾಸ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.

ಹೈದರಾಬಾದ್​ನ ಆರ್​ಆರ್​ ಜೆಟ್ಸ್​ ವಾಣಿಜ್ಯ ವಿಮಾನದ ಪೈಲಟ್​ ದಿಲೀಪ ಎಸ್​. ಜೈನ್​ ಅವರು ವಿದ್ಯಾರ್ಥಿಗಳಿಗೆ ಸ್ಪೂರ್ತಿದಾಯಕ ಮಾತುಗಳನ್ನು ಹೇಳುವ ಮೂಲಕ ಕುತೂಹಲ ಹೆಚ್ಚಿಸಿದರು. ಇದು ವಿದ್ಯಾರ್ಥಿಗಳಿಗೆ ಅಪರೂಪದ ಅವಕಾಶ ಮತ್ತು ವಿಮಾನಯಾನ ಪ್ರಪಂಚ ಮತ್ತು ವಾಣಿಜ್ಯ ಪೈಲಟ್​ ಪ್ರಯಾಣದ ಬಗ್ಗೆ ಅವರು ವಿವರ ನೀಡಿದರು.

ತಮ್ಮ ವೃತ್ತಿ ಅನುಭವಗಳನ್ನು ಹಂಚಿಕೊಂಡ ದಿಲೀಪ ಅವರು, ವಾಯುಯಾನ ಉದ್ಯಮ, ಇದಕ್ಕೆ ಅಗತ್ಯವಿರುವ ಶೈಕ್ಷಣಿಕ ಅರ್ಹತೆ, ಪೈಲಟ್​ ಪ್ರವೇಶ ಪರೀಕ್ಷೆಗಳು, ತರಬೇತಿ ಪ್ರಕ್ರಿಯೆ ವಿವಿಧ ವಿಷಯಗಳ ಬಗ್ಗೆ ಮಾಹಿತಿ ನೀಡಿದರು.

ಶಿಸ್ತು, ಬದ್ಧತೆ ಮತ್ತು ನಿರಂತರ ಕಲಿಕೆಯನ್ನು ಈ ವೃತ್ತಿ ಬಯಸುತ್ತದೆ. ವಿದ್ಯಾರ್ಥಿಗಳು ಜಗತ್ತಿನ ದೊಡ್ಡ ನಗರಗಳಿಗೂ ಹೋಗಿ ಅಗತ್ಯ ತರಬೇತಿ ಪಡೆಯಬಹುದು. ವಿಶ್ವದಲ್ಲಿ ಪೈಲಟ್​ಗಳಿಗೆ ಸಾಕಷ್ಟು ಅವಕಾಶಗಳಿವೆ. ಹೆಚ್ಚು ಭಾರತೀಯ ಮಹಿಳೆಯರು ವಿಮಾನಯಾನ ಉದ್ಯಮಕ್ಕೆ ಸೇರುತ್ತಿರುವುದು ಒಳ್ಳೆಯ ಬೆಳವಣಿಗೆ ಎಂದರು.