ಹುಬ್ಬಳ್ಳಿಯ ನಾಟ್ಯ ಕಲಾವಿದ ಪಂ. ಗದಿಗೆಯ್ಯ ಹಿರೇಮಠ, ಚನ್ನಗಿರಿಯ ಸಂಗೀತ ಶಿಕ್ಷಕ ಪಂ. ಮಹಾಂತಯ್ಯ ಹಿರೇಮಠ ಕಲ್ಲೂರ, ಬೆಂಗಳೂರಿನ ಸಂಗೀತ ಶಿಕ್ಷಕ ರೇವಣಸಿದ್ದಯ್ಯ ಎ.ಎಂ.ಆರ್., ಶಿವಾಚಾರ್ಯ ಹೊಸಳ್ಳಿಮಠ ಹಾಗೂ ಕಳಕಪ್ಪ ಮುದ್ಲಾಪೂರ ಅವರನ್ನು ಇದೇ ಸಂದರ್ಭದಲ್ಲಿ ಸನ್ಮಾನಿಸಲಾಗುವುದು ಎಂದು ವಿವರಿಸಿದರು. ಬೆಳಗ್ಗೆ 11ರಿಂದ ಸಂಜೆ 6 ಗಂಟೆಯವರೆಗೆ ನಡೆಯಲಿರುವ ಘರಾನಾ ಸಮ್ಮೇಳನದಲ್ಲಿ ಕಲಾವಿದರಾದ ಡಾ. ರಾಜಗುರು ಗುರುಸ್ವಾಮಿ, ಪಂ. ಬಾಲಚಂದ್ರ ನಾಕೋಡ, ಪಂ. ಶಿವಕುಮಾರ ಹಿರೇಮಠ, ಪಂ. ಕುಮಾರ ಮರಡೂರ, ಡಾ. ಹನುಮಂತ ಬುರ್ಲಿ, ಡಾ. ಶಿವಬಸವಯ್ಯ ಗಡ್ಡದಮಠ ಅವರಿಂದ ಗಾಯನ, ಉಸ್ತಾದ ಪಂ. ಶಫೀಕ್ಖಾನ ಹಾಗೂ ಪ್ರವೀಣ ಹೂಗಾರ ಅವರಿಂದ ದ್ವಂದ್ವ ಸಿತಾರ ವಾದನ, ಶಾಂತಲಿಂಗ ಹೂಗಾರ, ಮಳೆಮಲ್ಲೇಶ ಹೂಗಾರ ಹಾಗೂ ರಘುನಂದನಗೋಪಾಲ ಹೂಗಾರ ಅವರಿಂದ ತಬಲಾ ಸೋಲೋ, ಪಂ. ಮಂಜುನಾಥ ಭಟ್ ಹಾಗೂ ವಿರೂಪಾಕ್ಷಯ್ಯ ಹೊಸಳ್ಳಿಮಠ ಅವರಿಂದ ಬಾನ್ಸೂರಿ ಜುಗಲಬಂದಿ ನಡೆಯಲಿದೆ. ಇನ್ನೂ ಹಲವಾರು ಕಲಾವಿದರು ಭಾಗವಹಿಸಲಿದ್ದಾರೆ ಎಂದು ಹೇಳಿದರು.
