nss students ಎನ್​ಎಸ್​ಎಸ್​ ವಿದ್ಯಾರ್ಥಿಗಳಿಂದ ಶಾಲೆ ಪುನರುಜ್ಜೀವನ

ಹುಬ್ಬಳ್ಳಿ: nss students ಇಲ್ಲಿಯ ಉಣಕಲ್ಲ ಐ.ಜಿ. ಹಿರೇಗೌಡರ ಕಾಲೇಜು ಹಾಗೂ ಕೊಕಾಟಿ ಪ್ರೌಢಶಾಲೆಯ ಪುನರುಜ್ಜೀವನ ಕಾರ್ಯವನ್ನು ನಗರದ ಜೈನ್​ ಕಾಲೇಜ್​ ಆಫ್​ ಇಂಜಿನಿಯರಿಂಗ್​ ಟೆಕ್ನಾಲಜಿ ಸಂಸ್ಥೆಯ ಎನ್​ಎಸ್​ಎಸ್​ ವಿದ್ಯಾರ್ಥಿಗಳು ಯಶಸ್ವಿಯಾಗಿ ಕೈಗೊಂಡರು.

ಬಿಎನ್​ಎಸ್​ಕೆ 659 ಚಟುವಟಿಕೆಯಡಿ "ಯುವಶಕ್ತಿ ಕಾರ್ಯ' ಘೋಷಣೆಯೊಂದಿಗೆ ಶಾಲೆಯ ಪರಿಸರದಲ್ಲಿ ಬಣ್ಣ ಹಚ್ಚುವಿಕೆ, ಸ್ವಚ್ಛತೆ ಹಾಗೂ ನಿರ್ವಹಣಾ ಕಾರ್ಯಗಳನ್ನು ನೆರವೇರಿಸಿದರು. ವಿದ್ಯಾರ್ಥಿಗಳೇ ಬದಲಾವಣೆಯ ಶಕ್ತಿ ಎಂಬ ಸಂದೇಶ ಸಾರಿದರು.

ಜೈನ್​ ಕಾಲೇಜಿನ ಪ್ರಾಂಶುಪಾಲ ಡಾ. ಪ್ರಶಾಂತ ಬಣಕಾರ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಹಿರೇಗೌಡರ ಕಾಲೇಜಿನ ಆಡಳಿತ ಮಂಡಳಿ ಅಧ್ಯಕ್ಷ ಶಿವಾನಂದ ಹೆಬಸೂರ, ಶಿವಣ್ಣ ಹಂಗರಕಿ, ಕೊಕಾಟೆ ಶಾಲೆ ಪ್ರಾಚಾರ್ಯ ಶಿವಕುಮಾರ, ಸಿಬ್ಬಂದಿ ಉಪಸ್ಥಿತರಿದ್ದರು.