ncc environment ಎನ್​ಸಿಸಿ ಕೆಡೆಟ್​ಗಳಿಂದ ಪರಿಸರ ದಿನಾಚರಣೆ

ಹುಬ್ಬಳ್ಳಿ: ncc environment ಇಲ್ಲಿಯ 27ನೇ ಕರ್ನಾಟಕ ಬಟಾಲಿಯನ್​ ಎನ್​ಸಿಸಿ ವಾರ್ಷಿಕ ತರಬೇತಿ ಶಿಬಿರವನ್ನು (ಎಟಿಸಿ) ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ಬೆಳಗಾವಿಯ ಗ್ರೂಪ್​ ಪ್ರಧಾನ ಕಚೇರಿಯ ಆಶ್ರಯದಲ್ಲಿ ನಡೆಸಲಾಗುತ್ತಿದೆ.

ವಿಶ್ವ ಪರಿಸರ ದಿನದ ಅಂಗವಾಗಿ ಶುಕ್ರವಾರ ಸೇನಾ ವಿಭಾಗದ 521 ಎನ್​ಸಿಸಿ ಕೆಡೆಟ್​ಗಳಿಂದ ಸಸಿ ನೆಡುವ ಅಭಿಯಾನ ನಡೆಸಲಾಯಿತು.

ಶಿಬಿರವು ಜೂನ್​ 9ರ ವರೆಗೆ ನಡೆಯಲಿದ್ದು, ಹುಬ್ಬಳ್ಳಿ, ಹಾವೇರಿ ಮತ್ತು ಬೆಳಗಾವಿ ಜಿಲ್ಲೆಗಳ ವಿವಿಧ ಶಾಲೆ ಮತ್ತು ಕಾಲೇಜುಗಳ ಹುಡುಗರು ಮತ್ತು ಹುಡುಗಿಯರು ಭಾಗವಹಿಸಿದ್ದಾರೆ.

ಕೆಡೆಟ್​ಗಳಲ್ಲಿ ಪರಿಸರ ಜಾಗೃತಿಯನ್ನು ಉತ್ತೇಜಿಸಲು ಮತ್ತು ಸುಸ್ಥಿರ ಅಭ್ಯಾಸಗಳನ್ನು ಪ್ರೋತ್ಸಾಹಿಸಲು ಕರ್ನಾಟಕ ವಿಶ್ವವಿದ್ಯಾಲಯ ಆವರಣದಲ್ಲಿ ಸಸಿ ನೆಡುವ ಅಭಿಯಾನ ಆಯೋಜಿಸಲಾಗಿತ್ತು. ಕೆಡೆಟ್​ಗಳು ಉತ್ಸಾಹದಿಂದ ಭಾಗವಹಿಸಿ, ಸಸಿಗಳನ್ನು ನೆಟ್ಟು ಪರಿಸರ ಸಂರಕ್ಷಣೆ ಮತ್ತು ನೈಸರ್ಗಿಕ ಸಂಪನ್ಮೂಲಗಳ ರಕ್ಷಣೆಗೆ ಕೊಡುಗೆ ನೀಡುವ ಪ್ರತಿಜ್ಞೆ ಸ್ವೀಕರಿಸಿದರು.

ಎನ್​ಸಿಸಿ ಬೆಳಗಾವಿಯ ಗ್ರೂಪ್​ ಕಮಾಂಡರ್​ ಕರ್ನಲ್​ ಸಿ. ರಾಜಶೇಖರ್​ ಅತಿಥಿಗಳಾಗಿದ್ದರು. ಪರಿಸರ ಸಂರಕ್ಷಣೆಯ ಮಹತ್ವವನ್ನು ಅವರು ವಿವರಿಸಿದರು.