ತಂದೆ- ತಾಯಿಯ ಕನಸು ಸಾಕಾರಗೊಳಿಸಿ

ನಗರದ ಕಮಲಾಪುರ ಶಾಂತಿ ಕಾಲನಿಯ ಸಭಾಭವನದಲ್ಲಿ ಶಿಕ್ಷಕಿ, ಸಾಹಿತಿ ವಿಜಯಲಕ್ಷ್ಮೀ ಕುರಹಟ್ಟಿ ಅವರು ವಿದ್ಯಾರ್ಥಿಗಳ ವ್ಯಕ್ತಿತ್ವ ವಿಕಸನ ಮತ್ತು ಫಲಿತಾಂಶ ಸುಧಾರಣೆಗಾಗಿ ಭಾನುವಾರ ಆಯೋಜಿಸಿದ್ದ ಉಚಿತ ಕಾರ್ಯಾಗಾರ ಉದ್ಘಾಟಿಸಿ ಅವರು ಮಾತನಾಡಿದರು.

ಪಿಎಸ್​ಐ ಮಹಾದೇವಿ ಪಾಟೋಳಿ ವಿದ್ಯಾರ್ಥಿಳೊಂದಿಗೆ ಸಂವಾದ ನಡೆಸಿದರು. ಗುರಿ ಸಾಧನೆಗೆ ಪ್ರಯತ್ನ ಮತ್ತು ಸಮಯಪಾಲನೆಯ ಮಾರ್ಗದರ್ಶನ ನೀಡಿದರು.

ಶ್ರೀ ಸಾಯಿ ಪಿಯು ಕಾಲೇಜಿನ ಅಧ್ಯಕ್ಷೆ ವೀಣಾ ಬಿರಾದಾರ ಮಾತನಾಡಿ, ಮನಸ್ಸಿನಲ್ಲಿ ಸಾಧಿಸುವ ಹುಚ್ಚು ಮತ್ತು ಕಿಚ್ಚು ಇರಬೇಕು. ಅದು ಸಾಧನೆಯ ಸೋಪಾನವಾಗುತ್ತದೆ ಎಂದರು.

ಶಾಂತಿ ಕಾಲ ರಹವಾಸಿಗಳ ಸಂದ ಅಧ್ಯಕ್ಷ ಡಾ. ಅಶೋಕ ಕರ್ಕೊಳ್ಳಿ ಮಾತನಾಡಿ, ಮಕ್ಕಳ ಭವಿಷ್ಯ ನಿರ್ಮಾಣಕ್ಕಾಗಿ ಸಮಾಜ ಸದಾ ಕೈ ಜೋಡಿಸಬೇಕು. ವಿದ್ಯಾರ್ಥಿಗಳ ವಿದ್ಯಾಭ್ಯಾಸಕ್ಕಾಗಿ ಮಾರ್ಗದರ್ಶನ ಹಾಗೂ ಸಹಕಾರ ನೀಡಲಾಗುವುದು ಎಂದರು.

ಶಿರೂರ, ಇನಾಂಹೊಂಗಲ, ಹಾರೋಬೆಳವಡಿ, ಕರಡಿಗುಡ್ಡ, ಯಾದವಾಡ, ಮುಳಮುತ್ತಲ, ಶಿಬಾರಗಟ್ಟಿ ಹಾಗೂ ಧಾರವಾಡ ನಗರದ 8ರಿಂದ 10ನೇ ತರಗತಿಯ 250 ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದರು. ಶಿಕ್ಷಕಿ ವಿಜಯಲಕ್ಷ್ಮೀ ಕುರಹಟ್ಟಿ ಅವರು ವಿದ್ಯಾಥಿರ್ಗಳಿಗೆ ಗುರಿ, ಸಮಯಪಾಲನೆ, ನಿರಂತರ ಪ್ರಯತ್ನ ಹಾಗೂ ಯಶಸ್ಸಿನ ಮಹತ್ವವನ್ನು ತಿಳಿಸಿದರು. ಶಾಂತಿ ಕಾಲನಿ ಸಂದಿಂದ ಅವರನ್ನು ಸನ್ಮಾನಿಸಲಾಯಿತು.

ವಿದುಷಿ ಪಾರ್ವತಿ ದೀಕ್ಷಿತ್ ರ ಮಧುರವೇಣಿ ನೃತ್ಯಾಲಯದ ವಿದ್ಯಾರ್ಥಿಗಳು ನೃತ್ಯ ಪ್ರದಶಿರ್ಸಿದರು. ಲೀಲಾವತಿ ಹೆಗಡೆ ಪ್ರಾರ್ಥಿಸಿದರು. ಹೊನ್ನಪ್ಪ ಕರೆಕಮ್ಮನವರ ನಿರೂಪಿಸಿದರು.