* ಲೋಹಾರ್​ ವಿದ್ಯಾಗಿರಿಗೆ, ತಹಸೀಲ್ದಾರ್​ ಗರಗ ಠಾಣೆಗೆ

ತಾಲೂಕಿನ ಗರಗ ವೃತ್ತ ನಿರೀಕ್ಷಕರಾಗಿದ್ದ ಶಿವಯೋಗಿ ಲೋಹಾರ ಅವರನ್ನು ನಗರದ ವಿದ್ಯಾಗಿರಿ ಠಾಣೆ ಇನ್ಸ್​ಪೆಕ್ಟರ್​ ಹುದ್ದೆಗೆ ನಿಯೋಜಿಸಲಾಗಿದೆ. ಅದೇರೀತಿ ವಿದ್ಯಾಗಿರಿ ಠಾಣೆಯ ಇನ್ಸ್​ಪೆಕ್ಟರ್​ ಆಗಿದ್ದ ರಫೀಕ್​ ತಹಸೀಲ್ದಾರ್​ ಅವರನ್ನು ತಾಲೂಕಿನ ಗರಗ ವೃತ್ತ ನಿರೀಕ್ಷಕ ಹುದ್ದೆಗೆ ನಿಯೋಜಿಸಲಾಗಿದೆ.

ಕೆಲ ತಿಂಗಳ ಹಿಂದೆ ಗರಗ ಗ್ರಾಮದ ಯುವತಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡಿದ್ದಳು. ಆಕೆಯನ್ನು ಪುಸಲಾಯಿಸಿದ್ದ ಅನ್ಯ ಕೋಮಿನ ಯುವಕ ಲವ್​ ಜಿಹಾದ್​ ಮಾಡಿದ್ದಾನೆ ಎಂಬ ಆರೋಪ ಕೇಳಿಬಂದಿತ್ತು. ಆದಾಗ್ಯೂ ಆತನ ವಿರುದ್ಧ ಪೋಕ್ಸೊ ಪ್ರಕರಣ ದಾಖಲಿಸದೆ ನಿರ್ಲಕ್ಷ$್ಯ ವಹಿಸಿದ್ದಾರೆ ಎಂದು ಗರಗ ವೃತ್ತ ನಿರೀಕ್ಷಕ ಶಿವಯೋಗಿ ಲೋಹಾರ ವಿರುದ್ಧ ಹಿಂದುಪರ ಸಂಟನೆಗಳು ಪ್ರತಿಭಟನೆ ನಡೆಸಿದ್ದವು. ಈ ಸಂಬಂಧ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಲೋಹಾರ ಅವರನ್ನು ಅಮಾನತು ಮಾಡಿದ್ದರು.

ಮತ್ತೊಂದೆಡೆ ವಿದ್ಯಾಗಿರಿ ಪೊಲೀಸ್​ ಠಾಣೆ ವ್ಯಾಪ್ತಿಯಲ್ಲಿ ಗಾಂಜಾ ಪತ್ತೆ ಮತ್ತು ಜಾಗೃತಿ ಅಭಿಯಾನ ನಡೆಸಲಾಗಿತ್ತು. ನಗರದ ಪದವಿ ಕಾಲೇಜೊಂದರ ಬಿ.ಎಸ್​ಸಿ ವಿದ್ಯಾಥಿರ್ಯೊಬ್ಬನನ್ನು ವಿದ್ಯಾಗಿರಿ ಠಾಣೆ ಪೊಲೀಸರು ತಪಾಸಣೆಗೊಳಪಡಿಸಿದ್ದರು. ಆತನ ವರದಿ ನೆಗಟಿವ್​ ಬಂದಿದ್ದರೂ ಪೊಲೀಸರು 2,000 ರೂ. ಕೇಳಿದ್ದಾರೆ. ಇದರಿಂದ ನೊಂದ ವಿದ್ಯಾಥಿರ್ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ದೂರು ದಾಖಲಾಗಿತ್ತು. ಈ ಸಂಬಂಧ ವಿದ್ಯಾಗಿರಿ ಠಾಣೆ ಇನ್ಸ್​ಪೆಕ್ಟರ್​ ರಫೀಕ್​ ತಹಸೀಲ್ದಾರ್​ ಸೇರಿ ಮೂವರು ಕಾನ್ಸ್​ಟೇಬಲ್​ಗಳನ್ನು ಅಮಾನತು ಮಾಡಲಾಗಿತ್ತು.