ಸಂಘವೊಂದಕ್ಕೆ 8.50 ಲಕ್ಷ ರೂ.ಗೆ 1989ರಲ್ಲಿ ಹಳೇಹುಬ್ಬಳ್ಳಿ ಅಯೋಧ್ಯಾ ಗ್ರಾಮದ ಏಳು ಎಕರೆ ಭೂಮಿಯನ್ನು ಮಾರಾಟ ಮಾಡಿದ್ದಾರೆ. 1990ರಲ್ಲಿ ಗಂಗಾಧರ ಮತ್ತು ಬಸವರಾಜ ಎಂಬುವವರು ಎಸ್ಸಿ, ಎಸ್ಟಿ ಹಾಗೂ ಹಿಂದುಳಿದ ಸದಸ್ಯರಿಗೆ ಪ್ಲಾಟ್ ನೀಡುವುದಾಗಿ ಬಿನ್ಶೇತ್ಕಿ ಮಾಡಿಸಿದ್ದಾರೆ. ಆದರೆ. ಈ ವ್ಯವಹಾರ ಆರೋಪಿಗಳಿಗೆ ಸಂಬಂಧವಿಲ್ಲದಿದ್ದರೂ ಈ ಜಮೀನು ತೋರಿಸಿ 12-15 ಲಕ್ಷ ರೂ.ಗೆ ಪ್ಲಾಟ್ ಕೊಡುವುದಾಗಿ ಹರೀಶ ಹಾಗೂ ಅವರ ಅಳಿಯಂದರಿಂದ 10 ಪ್ಲಾಟ್ಗಳಿಗೆ 20 ಲಕ್ಷ ರೂ. ಮುಂಗಡವಾಗಿ ಪಡೆದುಕೊಂಡಿದ್ದಾರೆ. ನಂತರ ಭೂಮಿ ಮಾಲೀಕರು ಬೇರೆ ಇರುವುದಾಗಿ ತಿಳಿದು ಬಂದಾಗ ಪ್ರಶ್ನೆ ಮಾಡಿದಾಗ 10.50 ಲಕ್ಷ ರೂ. ಮರಳಿಸಿದ್ದು, 9.50 ಲಕ್ಷ ರೂ. ಕೊಡದೆ ಮೋಸ ಮಾಡಿದ್ದಲ್ಲದೆ, ಬೆದರಿಕೆ ಹಾಕಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
