kslu vc ಪ್ರಶಂಸೆಗೆ ಪಾತ್ರವಾದ ಡಾ. ಸಿ. ಬಸವರಾಜು ಸೇವೆ

ಸಿಂಡಿಕೇಟ್​ ಸದಸ್ಯ ಡಾ. ಸತೀಶಗೌಡ ಎನ್​. ಮಾತನಾಡಿ, ವಿಶ್ವವಿದ್ಯಾಲಯದ ಸಂಯೋಜಿತ ಕಾನೂನು ಕಾಲೇಜುಗಳನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಬೆಂಗಳೂರು, ಮೆಸೂರು, ಮಂಗಳೂರು ವಲಯ ಮಟ್ಟಗಳಲ್ಲಿ ಅನೇಕ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡಿ ಒಂದೇ ಕುಟುಂಬದ ಭಾವನೆ ಮೂಡಿಸಿದ್ದಾರೆ. ಎಲ್ಲ ಕಡೆಯಿಂದ ಪ್ರಶಂಸೆಗೆ ಪಾತ್ರರಾಗಿದ್ದಾರೆ ಎಂದರು.

ಧಾರವಾಡ ಕರ್ನಾಟಕ ವಿಶ್ವವಿದ್ಯಾಲಯ ಕುಲಪತಿ ಪ್ರೊ. ಎ.ಎಂ. ಖಾನ್​ ಮಾತನಾಡಿದರು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ಡಾ. ಸಿ. ಬಸವರಾಜು ಅವರು, ಕಾನೂನು ಕ್ಷೇತ್ರ ಪವಿತ್ರವಾದದ್ದು, ಇಲ್ಲಿರುವವರು ತಾಳ್ಮೆ, ಬದ್ಧತೆ, ಪ್ರಾಮಾಣಿಕತೆ, ಶಿಸ್ತು, ಸಂಯಮ ಮಾನವೀಯ ಮೌಲ್ಯದಂತಹ ಮುತ್ತು ರತ್ನಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ವಿನಯವಿಲ್ಲದ ವಿದ್ಯೆ ಶೂನ್ಯ, ಉದ್ವೇಗ ಮತ್ತು ಆವೇಶದಿಂದ ಏನನ್ನೂ ಸಾಧಿಸಲಿಕ್ಕಾಗುವುದಿಲ್ಲ. ತಾಳ್ಮೆ ಮತ್ತು ಸಹನೆಯಿಂದ ವ್ಯಕ್ತಿತ್ವ ರೂಪಿಸಿಕೊಳ್ಳಬಹುದು ಎಂದು ಹೇಳಿದರು.

ಅಧ್ಯಕ್ಷತೆ ವಹಿಸಿದ್ದ ಡೀನ್​, ನಿರ್ದೇಶಕಿ ಡಾ. ರತ್ನಾ ಭರಮಗೌಡರ ಮಾತನಾಡಿ, ವಿಶ್ವವಿದ್ಯಾಲಯದ ಕಾನೂನು ಶಾಲೆಯಲ್ಲಿ ಹೊಸ ಕೋರ್ಸ್​ಗಳನ್ನು ಪ್ರಾರಂಭಿಸಿ ಸಾವಿರಾರು ವಿದ್ಯಾರ್ಥಿಗಳು ಕಾನೂನು ಶಿಕ್ಷಣವನ್ನು ಪಡೆಯುವಂತೆ ಅವಕಾಶ ಕಲ್ಪಿಸಿಕೊಟ್ಟಿರುವ ಶ್ರೇಯ ಕುಲಪತಿ ಡಾ. ಬಸವರಾಜು ಅವರಿಗೆ ಸಲ್ಲುತ್ತದೆ. ಅನೇಕ ಹೊಸ ಕಾನೂನು ಕಾಲೇಜುಗಳ ಸ್ಥಾಪನೆಗೆ ಕಾರಣರಾಗಿದ್ದಾರೆ. ವಿಶ್ವವಿದ್ಯಾಲಯದ ಪರೀಕ್ಷಾಂಗ, ಮೌಲ್ಯಮಾಪನದಲ್ಲಿ ಆನ್​ಲೈನ್​ (ಡಿಜಿಟಲ್​) ಪದ್ಧತಿಯನ್ನು ಅಳವಡಿಸಿ ಯಾವುದೇ ಅಕ್ರಮಕ್ಕೆ ಅವಕಾಶ ಇಲ್ಲದಂತೆ ಕ್ರಮ ಕೈಗೊಂಡಿದ್ದಾರೆ ಎಂದು ಹೇಳಿದರು.

ಪ್ರೊ. ಹಂಸವೇಣಿ, ಸಿಂಡಿಕೇಟ್​ ಸದಸ್ಯರಾದ ರಾಜಣ್ಣ, ಪದ್ಮಾವತಿ ಮಾನೆ, ಡಾ. ಲೊಕೇಶ, ಧ್ರುವರಾಜ ಹೊನ್ನಪ್ಪನವರ, ಅಕಾಡಮಿಕ್​ ಕೌನ್ಸಿಲ್​ ಸದಸ್ಯರಾದ ಕವಿತಾ ಕಾಳೆ ಮತ್ತು ಉಮೇಶ ಗೌಳಿ, ಕರ್ನಾಟಕ ಬಾರ್​ ಕೌನ್ಸಿಲ್​ ಅಧ್ಯಕ್ಷ ಕಾಮರೆಡ್ಡಿ ಉಪಸ್ಥಿತರಿದ್ದರು.