ಮನೆಗಳ ಹಸ್ತಾಂತರ ದಿನ ಹೆಚ್ಚಿನ ಲಿಕ್ಕರ್ ಸ್ಟಾಕ್ ಇರಿಸಿಕೊಳ್ಳಿ liquor

ಮನೆ ವಿತರಣೆ ಸಮಾರಂಭಕ್ಕೆ ಬರುವ ನಾಗರಿಕರಿಗೆ ಸರಾಯಿ ಕುಡಿಸುವ ಕೆಲಸವನ್ನು ಸರ್ಕಾರ ಮಾಡಿಸುತ್ತಿರುವುದು ಅಬಕಾರಿ ಇಲಾಖೆಯ ಗ್ರುಪ್​ನಿಂದ ಬಹಿರಂಗಗೊಂಡಿದೆ. ಗ್ಯಾರಂಟಿ ಯೋಜನೆಗಳಿಂದಾಗಿ ಆರ್ಥಿಕವಾಗಿ ನಲುಗಿ ಹೋಗಿರುವ ರಾಜ್ಯ ಕಾಂಗ್ರೆಸ್ ಸರ್ಕಾರ, ಮದ್ಯ ಮಾರಾಟದಿಂದ ಆರ್ಥಿಕ ಹಾನಿ ಭರಿಸಿಕೊಳ್ಳುವ ಯತ್ನ ನಡೆಸಿದೆ ಎಂದು ಹೇಳಿದರು.

ಈಗಾಗಲೇ ಸರ್ಕಾರದ ಎಲ್ಲ ಗ್ಯಾರಂಟಿ ಯೋಜನೆಗಳು ವಿಫಲವಾಗಿದ್ದು, ಶೀಘ್ರದಲ್ಲಿಯೇ ಲಿಕ್ಕರ್ ಗ್ಯಾರಂಟಿಯನ್ನೂ ಸರ್ಕಾರ ಜಾರಿಗೊಳಿಸಲಿದೆ ಎಂದು ವ್ಯಂಗ್ಯವಾಡಿದರು.

ಹುಬ್ಬಳ್ಳಿಯಲ್ಲಿ ನಡೆಯುತ್ತಿರುವ 42 ಸಾವಿರ ಮನೆಗಳ ವಿತರಣೆ ಸಮಾರಂಭಕ್ಕೆ ರಾಜ್ಯ ಕಾಂಗ್ರೆಸ್ ಸರ್ಕಾರ ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಅವರನ್ನು ಆಹ್ವಾನಿಸದೇ ಶಿಷ್ಟಾಚಾರ ಉಲ್ಲಂಘಿಸಿದೆ. ಈಗ ಮನೆಗಳನ್ನು ನಿರ್ವಿುಸಿರುವ ಮಂಟೂರು ರಸ್ತೆಯ ಜಾಗವನ್ನು ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆ 2017ಕ್ಕೆ ಕೊಳಗೇರಿ ನಿಮೂಲನೆ ಮಂಡಳಿಗೆ ಹಸ್ತಾಂತರಿಸಿದೆ. ನಂತರ ಬಿ.ಎಸ್. ಯಡಿಯೂರಪ್ಪ ಮುಖ್ಯಮಂತ್ರಿ ಆಗಿದ್ದಾಗ ಹಾಗೂ ವಿ. ಸೋಮಣ್ಣ ವಸತಿ ಸಚಿವರಾಗಿದ್ದಾಗ ಇಲ್ಲಿ ಮನೆಗಳ ನಿರ್ವಣಕ್ಕೆ ಭೂಮಿಪೂಜೆ ಮಾಡಲಾಗಿತ್ತು ಎಂದರು.

ಈ ಯೋಜನೆಗೆ ಕೇಂದ್ರ ಸರ್ಕಾರದಿಂದ ಹೆಚ್ಚಿನ ಹಣವನ್ನು ಅಂದಿನ ಬಿಜೆಪಿ ಸರ್ಕಾರ ತಂದಿತ್ತು. ಕೇಂದ್ರದಿಂದ ಹಣ ತರುವಲ್ಲಿ ಸಚಿವ ಪ್ರಲ್ಹಾದ ಜೋಶಿ ಅವರ ಪಾತ್ರವೂ ಇದೆ ಎಂದು ಹೇಳಿದರು.

ಈ ಮನೆಗಳ ವಿತರಣೆ ಸಮಾರಂಭವನ್ನು ಸರ್ಕಾರ ಹಲವಾರು ಬಾರಿ ಮುಂದೂಡಿದೆ. ಇದೀಗ, ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಅವರು ಸರ್ಕಾರಿ ಕಾರ್ಯಕ್ರಮದ ನಿಮಿತ್ತ ವಿದೇಶಕ್ಕೆ ಹೋಗಿದ್ದ ಸಂದರ್ಭ ನೋಡಿಕೊಂಡು ಕಾಂಗ್ರೆಸ್ ಸರ್ಕಾರ ಮನೆಗಳ ವಿತರಣೆ ಸಮಾರಂಭ ಆಯೋಜಿಸಿದೆ ಎಂದು ದೂರಿದರು.

ಬಿಜೆಪಿ ಸರ್ಕಾರ ಜಾರಿಗೆ ತಂದಿದದ್ದ ಯೋಜನೆಯನ್ನು ಉದ್ಘಾಟಿಸುತ್ತಿರುವ ಕಾಂಗ್ರೆಸ್ ಸರ್ಕಾರ, ತನ್ನ ಆಡಳಿತಾವಧಿಯಲ್ಲಿ ಎಷ್ಟು ಮನೆಗಳನ್ನು ಬಡವರಿಗೆ ನಿರ್ವಿುಸಿ ಕೊಟ್ಟಿದೆ ಎಂಬುದನ್ನು ಬಹಿರಂಗಪಡಿಸಲಿ ಎಂದು ಸವಾಲು ಹಾಕಿದರು.