intellquest ಇಂಟೆಲ್ಲಿಕ್ವೆಸ್ಟ್​ ಸ್ಪರ್ಧೆ ಶಾಂತಿನಿಕೇತನ ಚಾಂಪಿಯನ್​

ಹುಬ್ಬಳ್ಳಿ: intellquest ಪ್ರೌಢಶಾಲೆ ವಿದ್ಯಾರ್ಥಿಗಳ ಕೌಶಲ, ಪ್ರತಿಭೆ ಮತ್ತು ಜ್ಞಾನ ಪ್ರದರ್ಶಿಸಲು ವೇದಿಕೆ ಒದಗಿಸುವ ಸಲುವಾಗಿ ಇಲ್ಲಿಯ ಐಬಿಎಂಆರ್​ ಸಂಸ್ಥೆಗಳ ಸಮೂಹವು ಅಂತರ್​ ಶಾಲಾ ಸ್ಪರ್ಧೆ ಇಂಟೆಲ್ಲಿಕ್ವೆಸ್ಟ್​ 2026ಅನ್ನು ಆಯೋಜಿಸಿತ್ತು.

ವಿದ್ಯಾಭಾರತಿ ಫೌಂಡೇಷನ್​ನ ಐಬಿಎಂಆರ್​ ಪಿಯು ವಿಜ್ಞಾನ ಮತ್ತು ವಾಣಿಜ್ಯ ಕಾಲೇಜಿನಲ್ಲಿ ನಡೆದ ಇಂಟೆಲ್ಲಿಕ್ವೆಸ್ಟ್​ ಸ್ಪರ್ಧೆಯಲ್ಲಿ ನೂರಾರು ವಿದ್ಯಾರ್ಥಿಗಳು ಪಾಲ್ಗೊಂಡರು.

ನಗರದಾದ್ಯಂತ 24 ಶಾಲೆಗಳಿಂದ ಒಟ್ಟು 34 ತಂಡಗಳು ಸ್ಪೆಲ್​ಬೀ, ವಿಜ್ಞಾನ ರಂಗೋಲಿ, ರಸಪ್ರಶ್ನೆ, ಕಥೆ ಹೇಳುವುದು, ಮುಖ ಚಿತ್ರ ಬಿಡಿಸುವುದು, ಕ್ರೀಡೆ, ನೃತ್ಯ ಮತ್ತು ವೃತ್ತಿಪರ ಫ್ಯಾನ್ಸಿ ಡ್ರೆಸ್​ನಂತಹ ವಿವಿಧ ಕಾರ್ಯಕ್ರಮಗಳಲ್ಲಿ ಪ್ರತಿಭೆ ಪ್ರದರ್ಶಿಸಿದವು.

ಅತಿಥಿಯಾಗಿ ಪಾಲ್ಗೊಂಡಿದ್ದ ಕಾನೂನು ವಿಶ್ವವಿದ್ಯಾಲಯ ಸಿಂಡಿಕೇಟ್​ ಸದಸ್ಯ ಡಾ. ಎಚ್​.ವಿ. ಬೆಳಗಲಿ, ವಿಜಯನಗರ ಪಿಯು ಕಾಲೇಜಿನ ಪ್ರಾಚಾರ್ಯ ಸಂದೀಪ ಬೂದಿಹಾಳ, ಐಬಿಎಂಆರ್​ ಗ್ರೂಪ್​ ಸಿಇಒ ಡಾ. ಇಗ್ನೇಶ್​ ಸಕ್ರಿ, ಡಾ. ಅರುಣ ಶೆಟ್ಟಿ, ಎಂಬಿಎ ನಿರ್ದೇಶಕಿ ಡಾ. ರೇಖಾ ಮಹೇಂದ್ರಕರ್​ ಅವರು ಸ್ಪರ್ಧೆಗಳಲ್ಲಿ ವಿಜೇತರಿಗೆ ಬಹುಮಾನ ವಿತರಿಸಿದರು.

ಪ್ರಶಸ್ತಿ ಆಡೂರ್​, ಮರಿಯಮ್​ ಖೋಜೆ ಕಾರ್ಯಕ್ರಮ ನಿರೂಪಿಸಿದರು, ಪ್ರಾಂಶುಪಾಲ ಪ್ರೊ. ನಜೀಮ್​ ಹುಸೇನ್​ ಮಿಶ್ರಿಕೋಟಿ ಸ್ವಾಗತಿಸಿದರು. ಉಜ್ಮಾ ಪಲ್ಲನ್​ ವಂದಿಸಿದರು.