ಇನ್ಫೋಸಿಸ್​ ಫೌಂಡೇಶನ್​ ಸಾಹಿತ್ಯ ಪ್ರಶಸ್ತಿ ಪ್ರಕಟ

2022ನೇ ಸಾಲಿಗೆ ಜ್ಯೋತಿ ಗುರುಪ್ರಸಾದ್​ ಅವರ ಕವನ ಸಂಕಲನ "ಜಟಾಯು ಪಕ್ಷಿಗೆ ಶ್ರದ್ಧಾಂಜಲಿ', 2023ನೇ ಸಾಲಿಗೆ ಅನುಪಮಾ ಪ್ರಸಾದ್​ ಅವರ ಕಾದಂಬರಿ "ಪಕ್ಕಿ ಹಳ್ಳದ ಹಾದಿಗುಂಟ', 2024ನೇ ಸಾಲಿಗೆ ಉಷಾ ನರಸಿಂಹನ್​ ಅವರ ಕಥಾಸಂಕಲನ "ಸರಸ್ವತಿ ಸಾಕ್ಷಿ' ಕೃತಿಗಳು ಆಯ್ಕೆಯಾಗಿವೆ.

ಪ್ರಶಸ್ತಿಯು 10,000 ರೂಪಾಯಿ ನಗದು, ಪ್ರಶಸ್ತಿ ಫಲಕ ಹಾಗೂ ಗೌರವ ಸನ್ಮಾನವನ್ನು ಒಳಗೊಂಡಿದೆ. ಮೇ 9ರಂದು ಸಂಜೆ 5ಕ್ಕೆ ಜಿಲ್ಲಾ ಸಾಹಿತ್ಯ ಪರಿಷತ್​ ಸಭಾಂಗಣದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು. ಮರಾಠಿಯ ಪ್ರಸಿದ್ಧ ಸಾಹಿತಿ ಸುನಂದಾ ಭೋಸೆಕರ್​ ಅತಿಥಿಯಾಗಿ ಪಾಲ್ಗೊಳ್ಳುವರು ಎಂದು ಪ್ರಕಟಣೆ ತಿಳಿಸಿದೆ.