ima cricket ಐಎಂಎ ಕೆಎಸ್​ಬಿ ಡಾಕ್ಟರ್ಸ್​ ಕ್ರಿಕೆಟ್​

ಹುಬ್ಬಳ್ಳಿ: ima cricket ಭಾರತೀಯ ವೈದ್ಯಕೀಯ ಸಂಘ (ಐಎಂಎ) ಹುಬ್ಬಳ್ಳಿ ಹಾಗೂ ಕರ್ನಾಟಕ ಶಾಖೆ ಆಶ್ರಯದಲ್ಲಿ ರಾಜ್ಯ ಮಟ್ಟದ ವೈದ್ಯರ ಕ್ರಿಕೆಟ್​ ಟೂರ್ನಾಮೆಂಟ್​ "ಐಎಂಎ ಕೆಎಸ್​ಬಿ ಡಾಕ್ಟರ್ಸ್​ ಲೀಗ್​ -2025' ಅನ್ನು ಡಿ. 12ರಿಂದ ಮೂರು ದಿನಗಳ ಕಾಲ ನಗರದಲ್ಲಿ ಆಯೋಜಿಸಲಾಗಿದೆ ಎಂದು ಹುಬ್ಬಳ್ಳಿ ಶಾಖೆ ಅಧ್ಯಕ್ಷ ಡಾ. ಬಸವರಾಜ ಸಜ್ಜನ ತಿಳಿಸಿದರು.

ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಗರದ ಕೆಜಿಎ, ಬಿವಿಬಿ, ಕೆಎಂಸಿಆರ್​ಐ, ಬಿಡಿಕೆ, ರೈಲ್ವೆ ಮೈದಾನಗಳು ಸೇರಿ ಅವಳಿನಗರದ ವಿವಿಧ ಮೈದಾನಗಳಲ್ಲಿ ಪಂದ್ಯಾವಳಿಗಳು ನಡೆಯಲಿವೆ ಎಂದರು.

ರಾಜ್ಯದ ವಿವಿಧ ಐಎಂಎ ಶಾಖೆಗಳ ಪರವಾಗಿ ಸುಮಾರು 600ಕ್ಕೂ ಹೆಚ್ಚು ವೈದ್ಯರು ಪಾಲ್ಗೊಳ್ಳುವರು. ಒಟ್ಟು 42 ತಂಡಗಳು ಮೂರು ವಿಭಾಗಗಳಲ್ಲಿ ಟೂನಿರ್ಯಲ್ಲಿ ಭಾಗವಹಿಸಲಿವೆ. ಓಪನ್​ ವಿಭಾಗ, ಲೆಜೆಂಡ್ಸ್​ ವಿಭಾಗ, ಮಹಿಳಾ ವಿಭಾಗದಲ್ಲಿ ಲೀಗ್​ ಕಮ್​ ನಾಕೌಟ್​ ಮಾದರಿಯಲ್ಲಿ ಪಂದ್ಯಗಳು ನಡೆಯಲಿವೆ. ಡಿ. 14ರಂದು ಫೈನಲ್​ ಪಂದ್ಯಗಳು ನಡೆಯಲಿವೆ ಎಂದರು.

ವೈದ್ಯರಲ್ಲಿ ಒತ್ತಡ ನಿರ್ವಹಣೆ, ವೈದ್ಯ ಸಮುದಾಯದೊಳಗಿನ ಸ್ನೇಹಭಾವ, ತಂಡಭಾವ ಉತ್ತೇಜಿಸುವುದು, ದೈಹಿಕ ಚಟುವಟಿಕೆಗಳನ್ನು ಪ್ರೋತ್ಸಾಹಿಸುವುದು ಇದರ ಉದ್ದೇಶವಾಗಿದೆ. ಇದಕ್ಕಾಗಿ ಅನೇಕ ಸಂಸ್ಥೆಯವರು ಸಹಕಾರ ನೀಡಿದ್ದಾರೆ ಎಂದು ಹೇಳಿದರು.