hubli flyover ಹುಬ್ಬಳ್ಳಿ ಪ್ಲೈಓವರ್​ಗೆ ಹೊಸ ರೂಪ ನೀಡಿ

ಭವಿಷ್ಯದ ಹಿತದೃಷ್ಟಿಯಿಂದ ಕೆಲವು ಅಗತ್ಯ ಕ್ರಮಗಳನ್ನು ಈಗಲೇ ಕೈಗೊಳ್ಳುವ ಮೂಲಕ ಆರಂಭದಲ್ಲೇ ಪರಿಹಾರ ಕಂಡುಕೊಳ್ಳಬೇಕೆಂಬುದು ಸಾರ್ವಜನಿಕರ ಅಭಿಪ್ರಾಯವಾಗಿದೆ ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಪ್ರಸ್ತುತ ಯೋಜನೆಯಲ್ಲಿ ಹಲವು ಕೊರತೆಗಳಿವೆ ಮತ್ತು ಸಾರ್ವಜನಿಕರು ಆಕ್ಷೇಪಣೆಗಳನ್ನು ಸಲ್ಲಿಸುತ್ತಿದ್ದಾರೆ. ಈಗಿರುವ ಯೋಜನೆಯ ಪ್ರಕಾರ ಪ್ಲೈಓವರ್​ ಕೆಲವು ನಿರ್ದಿಷ್ಟ ಭಾಗಗಳಿಗೆ ಸೀಮಿತವಾಗಿದ್ದು, ನಗರದ ಪ್ರಮುಖ ಪ್ರವೇಶ ಮತ್ತು ನಿರ್ಗಮನ ದ್ವಾರಗಳನ್ನು ತಲುಪುತ್ತಿಲ್ಲ. ಇದರಿಂದಾಗಿ ಪ್ಲೈಓವರ್​ ಕೊನೆಗೊಳ್ಳುವ ಜಾಗದಲ್ಲಿ ಸಂಚಾರ ದಟ್ಟಣೆ ಹೆಚ್ಚಾಗುವ ಅಪಾಯವಿದೆ.

ಗೋಕುಲ ರಸ್ತೆ ಕಡೆಗೆ ನಿರ್ಮಿಸಲಾಗಿರುವ ಸಿಂಗಲ್​ ಪ್ಲೈಓವರ್​ ಕುರಿತು ಸಾರ್ವಜನಿಕರಲ್ಲಿ ತೀವ್ರ ಅಸಮಾಧಾನ ಮೂಡಿದೆ. ಆಕ್ಷೇಪಣೆಗೆ ಕಾರಣವಾಗಿರುವ ಗೋಕುಲ ರಸ್ತೆಯ ಸಿಂಗಲ್​ ಪ್ಲೈಓವರ್ ಅನ್ನು ವಿಮಾನ ನಿಲ್ದಾಣವರೆಗೆ ವಿಸ್ತರಿಸಿ, ಸುಸಜ್ಜಿತ ದ್ವಿಮುಖ ಸಂಚಾರಕ್ಕೆ ಯೋಗ್ಯವಾಗುವಂತೆ ಮಾರ್ಪಡಿಸಬೇಕು.

ಪ್ರಸ್ತುತ ಯೋಜನೆ ಪ್ರಕಾರ ಗದಗ ರಸ್ತೆ ರೈಲ್ವೆ ಮೇಲ್ಸೇತುವೆಯವರೆಗೂ ಕಡ್ಡಾಯವಾಗಿ ಪ್ಲೈಓವರ್ ವಿಸ್ತರಿಸಬೇಕು. ಕುಸುಗಲ್​ ರಸ್ತೆಯಲ್ಲಿ ಕುಸುಗಲ್​- ವಿಜಯಪುರ ರಸ್ತೆಯ ರಿಂಗ್​ ರೋಡ್​ ವರೆಗೂ ವಿಸ್ತರಿಸಬೇಕು.

ಬೆಂಗಳೂರು -ಪುಣೆ ರಾಷ್ಟ್ರೀಯ ಹೆದ್ದಾರಿಗೆ ಸಂಪರ್ಕ ಕಲ್ಪಿಸುವ ಪಿ.ಬಿ. ರಸ್ತೆಯ ಮೇಲ್ಸೇತುವೆಯನ್ನು ಗಬ್ಬೂರು ಗ್ರಾಮ ದಾಟಿಸಬೇಕು.

ಈ ರೀತಿ ಪ್ಲೈಓವರ್​ ವಿಸ್ತರಣೆಯಿಂದ ಬಹಳಷ್ಟು ಅನುಕೂಲಗಳು ನಗರ ಹಾಗೂ ಇಲ್ಲಿನ ಜನರಿಗೆ ಆಗಲಿವೆ. ಟ್ರಾಫಿಕ್​ ಕಿರಿಕಿರಿಯಿಂದ ಮುಕ್ತಿ ಸಿಗಲಿದೆ. ಚನ್ನಮ್ಮ ವೃತ್ತ, ಹೊಸ ಬಸ್​ ನಿಲ್ದಾಣ ಮತ್ತು ರೈಲ್ವೆ ನಿಲ್ದಾಣದ ಸುತ್ತಮುತ್ತಲಿನ ರಸ್ತೆಗಳ ಮೇಲಿನ ಶೇ. 70ರಷ್ಟು ಸಂಚಾರ ದಟ್ಟಣೆ ಕಡಿಮೆಯಾಗಲಿದೆ.

ಅಪಘಾತಗಳ ನಿಯಂತ್ರಣ ಹಾಗೂ ಇಂಧನ ಉಳಿತಾಯವಾಗಲಿದೆ. ಹಾಗಾಗಿ ಒಮ್ಮೆ ನೀಲಿನಕ್ಷೆ ಮರುರೂಪಗೊಳಿಸಬೇಕು. ಈ ಬಗ್ಗೆ ಸರ್ಕಾರ, ಜನಪ್ರತಿನಿಧಿಗಳು, ಶಾಸಕರು ಗಮನ ಹರಿಸಬೇಕು ಎಂದು ಸಾರ್ವಜನಿಕರ ಪರವಾಗಿ ಕೋರಿದ್ದಾರೆ.