150ಕ್ಕೂ ಹೆಚ್ಚು ಉತ್ಪನ್ನ: ಸ್ವಾವಲಂಬಿ ಸಖಿ ಪ್ರೊಡ್ಯುಸರ್ ಕಂಪನಿಯಡಿ ಉತ್ತರ ಕರ್ನಾಟಕದಲ್ಲಿ ಅನೇಕ ಸ್ವಸಹಾಯ ಸಂಘಗಳಿವೆ. ಸಂಘದವರು ತಯಾರಿಸಿದ ಮಹಿಳೆಯರು ಮತ್ತು ಮಕ್ಕಳ ಕಾಟನ್ ಉಡುಪುಗಳು, ಬ್ಯಾಗ್, ಕಸೂತಿ ಕಲೆಯ ಬಟ್ಟೆ, ಲೆಹೆಂಗಾ, ಬ್ಲೌಸ್, ಮಾವಿನ ಎಲೆ ತೋರಣ, ಟೆರ್ರಾಕೋಟ್ ಜೆವೆಲ್ಲರಿ, ಕುರ್ತಿಸ್, ಚೂಡಿದಾರ, ಜಾಕೆಟ್, ಚನ್ನಪಟ್ಟಣ ಬೊಂಬೆ, ಹೀಗೆ ವಿವಿಧ ಬಗೆಯ 150ಕ್ಕೂ ಹೆಚ್ಚು ವಸ್ತುಗಳನ್ನು ತಯಾರಿಸುತ್ತೇವೆ. ಬಳಿಕ ಹುಬ್ಬಳ್ಳಿಯ ಅಥೆಂಟಿಕ್ ಕರ್ನಾಟಕ ಮಳಿಗೆಗೆ ನೀಡಲಾಗುತ್ತದೆ. ಅಲ್ಲಿ ಗುಣಮಟ್ಟ ಪರೀಕ್ಷಿಸಿ, ಪ್ಯಾಕಿಂಗ್ ಮಾಡಿ, ಅವುಗಳಿಗೆ ಲೇಬಲ್ ಅಂಟಿಸಿ, ಬಾರ್ ಕೋಡ್ ಅಳವಡಿಸಲಾಗುತ್ತದೆ. ಅಲ್ಲಿಂದ ಬೇರೆ ಕಡೆ ಮಾರಾಟಕ್ಕೆ ಕಳುಹಿಸಲಾಗುತ್ತದೆ ಎನ್ನುತ್ತಾರೆ ಸ್ವಾವಲಂಬಿ ಸಖಿ ಕಂಪನಿಯ ಸಂಸ್ಥಾಪಕ ನಿರ್ದೇಶಕಿ ವಿಜಯಾ ಮುದಿಗೌಡ್ರ.
