ರಾಂಗ್ ರೂಟ್ಲ್ಲಿ ಬಂದ ಕಾರು, ಬೈಕ್ನಲ್ಲಿ ಹೋಗುತ್ತಿದ್ದವನಿಗೆ ಡಿಕ್ಕಿ ಹೊಡೆದ ಪರಿಣಾಮ ಸವಾರನ ಕಾಲು ತುಂಡರಿಸಿದೆ. ರಸ್ತೆಯಲ್ಲಿ ನರಳುತ್ತ ಬಿದ್ದಿದ್ದ ಬೈಕ್ ಸವಾರ ಉದಯ ಗೋವಿಂದಪ್ಪ ಕಿತ್ತಳಿ ಎಂಬುವರನ್ನು ಸಾರ್ವಜನಿಕರು ಕಾರೊಂದರಲ್ಲಿ ಆಸ್ಪತ್ರೆಗೆ ಸಾಗಿಸಿದರು. ಅಪಘಾತವಾದರೂ ಕಾರು ನಿಲ್ಲಸದೆ ಚಾಲಕ ಹುಬ್ಬಳ್ಳಿ ಕಡೆ ಪರಾರಿಯಾಗಿದ್ದ. ಸ್ಥಳದಲ್ಲಿದ್ದ ಸಂಚಾರಿ ಠಾಣೆಯ ಎಎಸ್ಐ ಎಂ.ಜಿ. ಕುಲಕಣಿರ್ ಹಾಗೂ ಹೆಡ್ ಕಾನ್ಸ್ಟೇಬಲ್ ಮಂಜುನಾಥ ಗದ್ದಿಕೇರಿ ಕಾರು ಬೆನ್ನಟ್ಟಿದ್ದರು. ನವನಗರದ ಸಮೀಪ ಕಾರನ್ನು ತಡೆದು ನವನಗರದ ಶ್ರೀಶೈಲ ಹಳ್ಳೂರ ಎಂಬಾತನನ್ನು ವಶಕ್ಕೆ ಪಡೆದಿದ್ದಾರೆ. ಈ ಕುರಿತು ಧಾರವಾಡ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸಮಯಪ್ರಜ್ಞೆಯಿಂದ ಕಾರು ಬೆನ್ನಟ್ಟಿ ಚಾಲಕನನ್ನು ವಶಕ್ಕೆ ಪಡೆದ ಪೊಲೀಸರ ಕಾರ್ಯಕ್ಕೆ ಹಿರಿಯ ಪೊಲೀಸ್ ಅಧಿಕಾರಿಗಳು ಮತ್ತು ಸಾರ್ವಜನಿಕರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.
