(haralayya) ನಮ್ಮ ಜೀವನ, ಚಿಂತನೆ ರಾಷ್ಟ್ರದ ಹಿತಕ್ಕೆ ಮೀಸಲಿಡಿ

ಶ್ರೀ ಶಿವಶರಣ ಹರಳಯ್ಯ ಸಮಗಾರ ಸಮಾಜ ಹಾಗೂ ಸಾಮರಸ್ಯ ವೇದಿಕೆ ವತಿಯಿಂದ ಇಲ್ಲಿಯ ದಾಜಿಬಾನಪೇಟೆಯ ಶ್ರೀ ದುರ್ಗಾದೇವಿ ಕಲ್ಯಾಣ ಮಂಟಪದಲ್ಲಿ ಭಾನುವಾರ ಏರ್ಪಡಿಸಿದ್ದ ಶ್ರೀ ಶಿವಶರಣ ಹರಳಯ್ಯ ಹಾಗೂ ಸಂತ ಶಿರೋಮಣಿ ರವಿದಾಸರ ಜಯಂತ್ಯುತ್ಸವದಲ್ಲಿ ಅವರು ಮುಖ್ಯ ಭಾಷಣ ಮಾಡಿದರು.

ಜಾತಿ ಸಮಸ್ಯೆ ಮತ್ತು ಸಂಘರ್ಷವಿದ್ದಾಗ ಶರಣ ಹರಳಯ್ಯನವರು ಜನಿಸಿದರು. ಬಸವಣ್ಣನವರಿಂದ ಪ್ರೇರಿತರಾಗಿ ಅವರೊಟ್ಟಿಗೆ ಶ್ರಮಿಸಲಾರಂಭಿಸಿದರು. ಅದೇ ರೀತಿ ರವಿದಾಸರು ಕೂಡ ತಮ್ಮ ನಡೆ-ನುಡಿಗಳಿಂದ ಅನೇಕ ಶಿಷ್ಯರನ್ನು ಹೊಂದಿದರು. ಸಿಖಂದರ್ ಲೋದಿ ಮತಾಂತರಗೊಳಿಸಲು ಪ್ರಯತ್ನಿಸಿ ವಿಫಲರಾದರು. ಹಿಂದೂ ಧರ್ಮವೇ ನಮ್ಮ ಮೂಲವೆಂದು ಸಂತರು ಅರಿತಿದ್ದರು. ಹಾಗಾಗಿಯೇ ಹಿಂದೂ ಧರ್ಮದ ತತ್ವ, ಸಿದ್ಧಾಂತಗಳನ್ನು ಪಸರಿಸಿದರು ಎಂದರು.

ಡಾ. ಬಿ.ಆರ್. ಅಂಬೇಡ್ಕರ್ ಕೂಡ ಹಿಂದೂ ಧರ್ಮದಲ್ಲಿಯೇ ಜನಿಸಿದ್ದರು. ಕೊನೆ ಗಳಿಗೆಯಲ್ಲಿ ಹಿಂದೂ ಧರ್ಮದ ಒಂದು ಭಾಗವಾಗಿರುವ ಬೌಧ್ಧ ಧರ್ಮವನ್ನು ಸ್ವೀಕರಿಸಿದರೆ ಹೊರತು ಇಸ್ಲಾಂ ಅಥವಾ ಕ್ರಿಶ್ಚಿಯನ್ ಧರ್ಮವನ್ನು ಸ್ವೀಕರಿಸಲಿಲ್ಲ. ಇವರೆಲ್ಲರೂ ತಮ್ಮ ಪ್ರಾಣ ಹೋದರೂ ಹಿಂದೂ ಧರ್ಮವನ್ನು ಬಿಡಲಿಲ್ಲ. ನಮ್ಮ ಸಮಾಜ ಒಡೆಯಲು ಕೆಲವರು ಶ್ರಮಿಸುತ್ತಿದ್ದಾರೆ. ಇದಕ್ಕೆ ಪ್ರತ್ಯುತ್ತರ ಕೊಡಲು ನಾವೆಲ್ಲರೂ ಜಾಗೃತರಾಗಬೇಕು ಎಂದು ಕಿವಿ ಮಾತು ಹೇಳಿದರು.

ಶಾಸಕ ಮಹೇಶ ಟೆಂಗಿನಕಾಯಿ ಮಾತನಾಡಿ, ಬಸವಣ್ಣನವರೊಂದಿಗೆ ಸಮ ಸಮಾಜ ನಿರ್ಮಿಸಲು ಶರಣ ಹರಳಯ್ಯನವರು ಶ್ರಮಿಸಿದರು. ಕಾಯಕ ತತ್ವವನ್ನು ಅರಿತು ಅಳವಡಿಸಿಕೊಂಡು ವಚನಗಳನ್ನು ಬರೆದರು. ನುಡಿದಂತೆ ನಡೆದು ಇತರರಿಗೂ ಮಾದರಿಯಾದರು. ಕಾಯಕ ಪ್ರಿಯರಾದ ಸಮಗಾರ ಸಮಾಜಕ್ಕೆ ಸದಾ ಬೆಂಬಲವಾಗಿರುವೆ ಎಂದು ಭರವಸೆ ನೀಡಿದರು.

ಬಿರವಳ್ಳಿ ಶ್ರೀ ಗುರುದೇವ ತಪೋವನದ ಶ್ರೀ ಗುರುಮಾತೆ ನಂದಾ ತಾಯಿ ಸಾನ್ನಿಧ್ಯ ವಹಿಸಿದ್ದರು.

ರಾಜ್ಯ ಸಮಗಾರ ಸಮಿತಿ ನಿಕಟಪೂರ್ವ ಅಧ್ಯಕ್ಷ ಜಗದೀಶ ಬೆಟಗೇರಿ ಉದ್ಘಾಟಿಸಿ ಮಾತನಾಡಿದರು. ಪರಶುರಾಮ ಅರಕೇರಿ ಪ್ರಾಸ್ತಾವಿಕವಾಗಿ ಮಾತನಾಡಿದರು.

ವಿವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡಿದವರನ್ನು ಇದೇ ವೇಳೆ ಸನ್ಮಾನಿಸಲಾಯಿತು. ಇದಕ್ಕೂ ಮೊದಲು ಶ್ರೀ ಶರಣ ಹರಳಯ್ಯನವರು ಹಾಗೂ ಸಂತ ಶಿರೋಮಣಿ ರವಿದಾಸ ಅವರ ಭಾವಚಿತ್ರದ ಮೆರವಣಿಗೆ ಅದ್ದೂರಿಯಾಗಿ ನಡೆಯಿತು.

ಸಮಗಾರ ಸಮಾಜದ ಅಧ್ಯಕ್ಷ ರಾಜಶೇಖರ ಸಾಂಬ್ರಾಣಿ, ಇತರರು ಇದ್ದರು.