green day ಆರ್​ವಿಎಸ್​ ಸ್ಕೂಲ್​ನಲ್ಲಿ ಪಂಚವಟಿ ವಲಯ

ಮಕ್ಕಳು ಸ್ವತಃ ಗಿಡಗಳನ್ನು ತಂದು ಶಾಲೆ ಆವರಣದಲ್ಲಿ ನೆಟ್ಟರು. ಪಂಚವಟಿ, ಬಟರ್​ ಪ್ಲೈ ಗಾರ್ಡನ್​, ಸಾಲುಮರದ ತಿಮ್ಮಕ್ಕ ವಲಯ, ಆಕ್ಸಿಜನ್​, ಹಣ್ಣುಗಳ ವಲಯ ಹೀಗೆ ಹಲವು ಸಸಿಗಳನ್ನು ನೆಡಲಾಯಿತು.

ಸಾಲು ಮರದ ತಿಮ್ಮಕ್ಕಳಿಗೆ ಪರಿಸರ ದಿನವನ್ನು ಅರ್ಪಿಸಲಾಯಿತು. ಒಟ್ಟಾರೆ, ಮಕ್ಕಳು, ಆಡಳಿತ ಮಂಡಳಿ, ಶಿಕ್ಷಕರು, ಸಿಬ್ಬಂದಿ ಸೇರಿ ಪರಿಸರ ದಿನಕ್ಕೆ ವಿಶೇಷ ಮೆರಗು ನೀಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಶಾಲೆ ಆಡಳಿತ ಮಂಡಳಿ ಚೇರ್ಮನ್​ ಸುರೇಶ ಅಂಗಡಿ ಅವರು, ಸಾಲು ಮರದ ತಿಮ್ಮಕ್ಕ ಯಾವುದೇ ಫಲಾಪೇಕ್ಷೆ ಇಲ್ಲದೇ ಸಾವಿರಾರು ಗಿಡಗಳನ್ನು ನೆಟ್ಟು ಪೋಷಿಸುವ ಮೂಲಕ ನಮಗೆಲ್ಲ ಮಾದರಿಯಾಗಿದ್ದಾರೆ. ಪರಿಸರ ಪ್ರೇಮ ಎಂದರೆ ಹೇಗಂದು ಅವರಿಂದ ನಾವೆಲ್ಲ ಬಹಳಷ್ಟು ಕಲಿಯುವುದಿದೆ ಎಂದರು.