ಆಯುರ್ವೆದ (Ayurved) ಆಸ್ಪತ್ರೆಯಲ್ಲಿ ಆರೋಗ್ಯ ಶಿಬಿರ

ನಗರದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ಮಾಹಿತಿ ನೀಡಿದ ಆಸ್ಪತ್ರೆಯ ಮುಖ್ಯಸ್ಥ, ತಜ್ಞ ವೈದ್ಯ ಡಾ. ಮಿಲಿಂದ ಹುಕ್ಕೇರಿ, ಮೊಣಕಾಲು ಮತ್ತು ಕೀಲು ನೋವಿನಿಂದ ಬಳಲುತ್ತಿರುವವರಿಗೆ ವಿಶೇಷ ಶಿಬಿರ ನಡೆಸಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಪ್ರತಿ ವಾರ ಅಥವಾ 15 ದಿನಗಳಿಗೊಮ್ಮೆ ವಿಶೇಷ ಆರೋಗ್ಯ ಶಿಬಿರ ಏರ್ಪಡಿಸಲು ನಿರ್ಧರಿಸಲಾಗಿದೆ ಎಂದು ಹೇಳಿದರು.

ಅನೇಕ ವರ್ಷಗಳಿಂದ ಇರುವ ಮೊಣಕಾಲು ಕೀಲು ನೋವು, ಬೆನ್ನು ಹುರಿ ನೋವುಗಳಿಗೂ ಯಾವುದೇ ಶಸ್ತ್ರಚಿಕಿತ್ಸೆ ಇಲ್ಲದೇ ಯಶಸ್ವಿ ಚಿಕಿತ್ಸೆ ನೀಡಲಾಗಿದೆ. ಆಯುರ್ವೆದದಲ್ಲಿ ಗುಣಮುಖವಾಗುವುದು ನಿಧಾನ ಎಂಬ ಮಾತಿದೆ. ಆದರೆ, ನಮ್ಮ ಚಿಕಿತ್ಸೆಯಿಂದ ರೋಗಿ ತೀವ್ರವಾಗಿ ಗುಣಮುಖ ಹೊಂದುತ್ತಾರೆ.

ನಮ್ಮ ಆಸ್ಪತ್ರೆಯಲ್ಲಿಯೇ ಸಂಶೋಧನೆ ನಡೆಸಿ, ಸಿದ್ಧಪಡಿಸಿದ ಔಷಧಿಗಳನ್ನು ರೋಗಿಗಳಿಗೆ ನೀಡಲಾಗುತ್ತಿದೆ. ಈ ಔಷಧಿಗಳಿಂದ ಯಾವುದೇ ರೀತಿಯ ಅಡ್ಡಪರಿಣಾಮಗಳು ಇರುವುದಿಲ್ಲ ಎಂದು ತಿಳಿಸಿದರು.

20-25 ವರ್ಷಗಳಿಂದ ಮೊಣಕಾಲು ಕೀಲು ನೋವು, ಬೆನ್ನು ಹುರಿ ನೋವು ಸೇರಿದಂತೆ ವಿವಿಧ ನೋವುಗಳಿಂದ ಬಳಲುತ್ತಿದ್ದ 80-95 ವರ್ಷದ ವೃದ್ಧರು ಸಹ ನಮ್ಮಲ್ಲಿ ಚಿಕಿತ್ಸೆ ಪಡೆದುಕೊಂಡು, ನೋವುಗಳಿಂದ ಮುಕ್ತಿ ಪಡೆದಿದ್ದಾರೆ ಎಂದು ಹೇಳಿದರು.

ಸ್ಲಿಪ್ ಡಿಸ್ಕ್, ಬೆನ್ನಿನ ನರ ತೊಡಕಿನಿಂದ ಉಂಟಾಗುವ ನೋವು, ಸಯಾಟಿಕ ಇನ್ನಿತರ ನೋವುಗಳಿಗೆ ಯಾವುದೇ ಶಸ್ತ್ರಚಿಕಿತ್ಸೆ ಇಲ್ಲದೇ ಪರಿಣಾಮಕಾರಿ ಚಿಕಿತ್ಸೆ ನೀಡಲಾಗುವುದು. ನನ್ನ ಸೇವಾ ಅವಧಿಯಲ್ಲಿ 10 ಸಾವಿರಕ್ಕೂ ಹೆಚ್ಚು ಜನರಿಗೆ ಯಶಸ್ವಿ ಚಿಕಿತ್ಸೆ ನೀಡಿದ್ದೇನೆ. ಒಳ ರೋಗಿಗಳಿಗೆ ಊಟ, ವಸತಿಯೊಂದಿಗೆ ಅತ್ಯುತ್ತಮ ಚಿಕಿತ್ಸೆ ನೀಡಲಾಗುತ್ತದೆ ಎಂದರು.