ಕಲಘಟಗಿ ಹೆದ್ದಾರಿಯಲ್ಲಿ ಕಾಶ್ಮೀರದ ಫೀಲಿಂಗ್! Kashmir

ಭಾರಿ ಪ್ರಮಾಣದ ಆಲಿಕಲ್ಲು ಮಳೆಯಾಗಿದ್ದರಿಂದ ಕಲಘಟಗಿಯಿಂದ ಮಾಚಾಪುರ ಮಾರ್ಗವಾಗಿ ಸಂಚರಿಸುವ ರಸ್ತೆಯ ತುಂಬ ಕಣ್ಣು ಹಾಯಿಸಿದಷ್ಟು ಆಲಿಕಲ್ಲು(ಮಂಜುಗಡ್ಡೆ ) ತುಂಬಿದ್ದರಿಂದ ವಾಹನ ಸಂಚಾರ ಕೆಲಕಾಲ ಸ್ಥಗಿತಗೊಂಡಿತ್ತು.

ಘಟನಾ ಸ್ಥಳಕ್ಕೆ ಸಚಿವ ಸಂತೋಷ ಲಾಡ್ ಅವರ ಆಪ್ತ ಕಾರ್ಯದರ್ಶಿಗಳ ತಂಡ ಭೇಟಿ ನೀಡಿ, ಜೆಸಿಬಿಯಿಂದ ರಸ್ತೆ ಮೇಲೆ ಬಿದ್ದ ಮಂಜುಗಡ್ಡೆ ತೆರವುಗೊಳಿಸಿ ಸುಗಮ ಸಂಚಾರಕ್ಕೆ ಅನುಕೂಲ ಮಾಡಿಕೊಡಲಾಯಿತು.

ಕಾರಿನ ಗ್ಲಾಸ್ ಚೂರು: ಬಿರುಸಿನಿಂದ ಬಿದ್ದ ಆಲಿಕಲ್ಲುಗಳ ಹೊಡೆತಕ್ಕೆ ಮಾಚಾಪುರ ಗ್ರಾಮದಲ್ಲಿನ ಬಹುತೇಕ ಮನೆಯ ಮೇಲಿನ ಹಂಚುಗಳು ಮುರಿದು ಬಿದ್ದಿವೆ. ಜಗದೀಶ ಹಿರೇಮಠ ಎಂಬುವರ ಮನೆ ಹೊರಗಡೆ ನಿಲ್ಲಿಸಿದ ಕಾರಿನ ಗ್ಲಾಸ್‌ಗಳು ಪುಡಿಯಾಗಿವೆ.

ಅಕಾಲಿಕ ಮಳೆಯಿಂದಾಗಿ ಕಲಘಟಗಿ ಪಟ್ಟಣ ಹಾಗೂ ಮಚ್ಚಾಪುರ ಗ್ರಾಮಗಳಲ್ಲಿನ ಮನೆಗಳು ಹಾಗೂ ಮನೆಯಲ್ಲಿ ದಿನೋಪಯೋಗಿ ವಸ್ತುಗಳೆಲ್ಲವೂ ಹನಿಯಾಗಿವೆ. ಮನೆಯೊಳಗೇ ನೀರು ನುಗ್ಗಿ ಮಕ್ಕಳು, ಹಿರಿಯರು ಹಾಗೂ ಮಹಿಳೆಯರು ಪರದಾಡುವಂತಯಿತು.

ರಸ್ತೆ ಮನೆ ಹೊಲ ಗದ್ದೆಗಳಲ್ಲಿ ಎಲ್ಲೆಂದರಲ್ಲಿ ಅಲಿಕಲ್ಲು ಪ್ರಮಾಣ ಹೆಚ್ಚಾಗಿ ಕಂಡು ಬಂದಿರುವುದರಿಂದ ಗ್ರಾಮದಲ್ಲಿನ ಜನ ಜಾನುವಾರುಗಳೆಲ್ಲವೂ ಚಳಿಯಿಂದ ತೊಂದರೆ ಅನುಭವಿಸುವಂತಾಯಿತು. ಅತಿಯಾದ ಚಳಿಗೆ ಜನರು ಕಂಗಲಾಗಿ ಮೈತುಂಬು ಉಣ್ಣಿಬಟ್ಟೆ (ಸ್ವೇಟರ್) ಧರಿಸುವಂತಾಯಿತು.