excellance award ಕೆಎಂಸಿಆರ್​ಐಗೆ ರಾಷ್ಟ್ರೀಯ ಶ್ರೇಷ್ಠತಾ ಪ್ರಶಸ್ತಿ

ಹುಬ್ಬಳ್ಳಿ: excellance award ಇಲ್ಲಿಯ ಕರ್ನಾಟಕ ವೈದ್ಯಕಿಯ ಕಾಲೇಜು ಮತ್ತು ಸಂಶೋಧನಾ ಸಂಸ್ಥೆಯ (ಕೆಎಂಸಿಆರ್​ಐ) ಬಹು-ಶಿಸ್ತೀಯ ಸಂಶೋಧನಾ ಘಟಕವು (ಎಂಆರ್​ಯು) ಇತ್ತೀಚೆಗೆ ದೆಹಲಿಯಲ್ಲಿ ಏರ್ಪಡಿಸಿದ್ದ ಮೆಡಿಕಲ್​ ಕಾಲೇಜ್​ ರೀಸರ್ಚ್​ ಕನೆಕ್ಟ್​ ಸಮ್ಮೇಳನದಲ್ಲಿ ಅತ್ಯುತ್ತಮ ಸಾಧನೆಗಾಗಿ "ಶ್ರೇಷ್ಠತಾ ಪ್ರಶಸ್ತಿ' (ಎಕ್ಸಲ್ಲನ್ಸ್​ ಅವಾರ್ಡ್​) ಮತ್ತು ಶ್ರೇಷ್ಠತೆಯ ಪ್ರಮಾಣಪತ್ರ ಪಡೆದಿದೆ.

ದೇಶಾದ್ಯಂತ ಇರುವ 123 ಎಂಆರ್​ಯುಗಳಲ್ಲಿ ಅತ್ಯುತ್ತಮ ಕಾರ್ಯಕ್ಷಮತೆಯ ಹೊಂದಿದ ಎಂಟು ಕೇಂದ್ರಗಳಿಗೆ ಕೇಂದ್ರ ಸರ್ಕಾರದಿಂದ ಪ್ರತಿಷ್ಠಿತ ಶ್ರೇಷ್ಠತಾ ಪ್ರಶಸ್ತಿ ಲಭಿಸಿದೆ. ಅವುಗಳಲ್ಲಿ ಕೆಎಂಸಿಆರ್​ಐ ಎಂಆರ್​ಯು ಒಂದಾಗಿದೆ.

ಆರೋಗ್ಯ ಸಂಶೋಧನಾ ಇಲಾಖೆಯ ವತಿಯಿಂದ ಆಯೋಜಿಸಲಾದ ಎರಡು ದಿನಗಳ ರಾಷ್ಟ್ರೀಯ ಸಮ್ಮೇಳನದಲ್ಲಿ ದೇಶದ ವಿವಿಧ ವೈದ್ಯಕಿಯ ಮಹಾವಿದ್ಯಾಲಯಗಳಲ್ಲಿ ಡಿಎಚ್​ಆರ್​ ವಿಭಾಗದ ಅಡಿಯಲ್ಲಿ ಸ್ಥಾಪಿಸಲಾದ 123 ಬಹು- ಶಿಸ್ತೀಯ ಸಂಶೋಧನಾ ಘಟಕಗಳು ಭಾಗವಹಿಸಿದವು.

ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ರಾಜ್ಯ ಸಚಿವೆ ಅನುಪ್ರಿಯಾ ಪಟೇಲ್​ ಕಾರ್ಯಕ್ರಮ ಉದ್ಘಾಟಿಸಿದರು.