ಧಾರವಾಡದಲ್ಲಿ ಭಕ್ತಿಪೂರ್ವಕ ಈದ್​ ಮಿಲಾದ್​

ಅಂಜುಮನ್​ ಇಸ್ಲಾಂ ಸಂಸ್ಥೆಯ ಅಧ್ಯಕ್ಷ ಇಸ್ಮಾಯಿಲ್​ ತಮಟಗಾರ ನೇತೃತ್ವದಲ್ಲಿ ಮುಸ್ಲಿಂ ಸಮಾಜದವರು ಅಂಜುಮನ್​ ಕಾಲೇಜಿನಿಂದ ಸುಭಾಸ್​ ರಸ್ತೆ, ಗಾಂಧಿ ಚೌಕ್​, ವಿವೇಕಾನಂದ ವೃತ್ತ ಸೇರಿ ನಗರದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಿದರು. ಈ ಬಾರಿ ಡಿಜೆ ಹಚ್ಚದಿರಲು ಅಂಜುಮನ್​ ಸಂಸ್ಥೆಯೇ ನಿರ್ಧಾರ ಕೈಗೊಂಡಿದ್ದರಿಂದ ಈದ್​ ಮಿಲಾದ್​ ಧಾಮಿರ್ಕವಾಗಿ ಶ್ರದ್ಧಾಭಕ್ತಿಯಿಂದ ಮೆರವಣಿಗೆ ನಡೆಸಲಾಯಿತು.

ಈದ್​ ಮಿಲಾದ್​ ನಿಮಿತ್ತ ನಗರದ ಪ್ರಮುಖ ಬೀದಿಗಳಲ್ಲಿ ಮುಸ್ಲಿಂ ಬಾಂಧವರು ಸಾರ್ವಜನಿಕರಿಗೆ ಶರಬತ್​ ಹಂಚಿದರು. ಕೆಲವೆಡೆ ಅನ್ನಸಂತರ್ಪಣೆ ಕೂಡ ನಡೆಯಿತು.