ಪಿಎಂ ಕಿಸಾನ್​ಗೂ ಇ- ಕೆವೈಸಿ ಕಡ್ಡಾಯ

ಪಿಎಂ ಕಿಸಾನ್​ ಯೋಜನೆಯ ಅರ್ಹ ರೈತರಿಗೆ ಮುಂದಿನ 24ನೇ ಕಂತು ಜಮೆಯಾಗಬೇಕಾದರೆ ಇ- ಕೆವೈಸಿ ಕಡ್ಡಾಯಗೊಳಿಸಲಾಗಿದೆ. ನಕಲಿ ಫಲಾನುಭವಿಗಳನ್ನು ಪಟ್ಟಿಯಿಂದ ಹೊರಗಿಡುವುದು ಮತ್ತು ಹಾಗೂ ಅರ್ಹ ರೈತರಿಗೆ ಪಾರದರ್ಶಕವಾಗಿ ಹಣ ತಲುಪಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಹೊಸ ನಿಯಮಾವಳಿ ರೂಪಿಸಿ ಇ& -ಕೆವೈಸಿ ಪ್ರಕ್ರಿಯೆ ಜಾರಿಗೊಳಿಸಿದೆ.

ಈ ಹಿಂದೆ ಆಧಾರ್​ ಒಟಿಪಿ ಮೂಲಕವೂ ಇ- ಕೆವೈಸಿ ಮಾಡಿಕೊಳ್ಳುವ ಅವಕಾಶವಿತ್ತು. ಆದರೆ, ಫಲಾನುಭವಿಗಳ ನಿಖರ ಪರಿಶೀಲನೆ ಹಾಗೂ ಯೋಜನೆಯ ಹಣ ಅರ್ಹರಿಗೇ ತಲುಪುವುದನ್ನು ಖಚಿತಪಡಿಸುವ ಉದ್ದೇಶದಿಂದ ಬಯೋಮೆಟ್ರಿಕ್​ ಅಥವಾ ಫೇಸ್​ ಆಧಾರಿತ ಇ- ಕೆವೈಸಿ ಜಾರಿಗೊಳಿಸಲಾಗುತ್ತಿದೆ.

ಕೇಂದ್ರ ಸರ್ಕಾರದಿಂದ ಇದುವರೆಗೆ ಪಿಎಂ ಕಿಸಾನ್​ನ 23 ಕಂತುಗಳ ಹಣ ಜಮೆಯಾಗಿದೆ. 24ನೇ ಕಂತು ಸೆಪ್ಟೆಂಬರ್​ನಲ್ಲಿ ಬಿಡುಗಡೆ ಆಗಲಿದೆ. ಸರ್ಕಾರದ ನೂತನ ಮಾರ್ಗಸೂಚಿಗಳ ಅನ್ವಯ ಮುಂದಿನ ಕಂತು ರೈತರ ಆಧಾರ್​ ಸಂಯೋಜಿತ ಬ್ಯಾಂಕ್​ ಖಾತೆಗೆ ಜಮೆಯಾಗಬೇಕಾದರೆ ಫಲಾನುಭವಿಗಳ ಇ-& ಕೆವೈಸಿ ಅನಿವಾರ್ಯ. ಅರ್ಹ ಫಲಾನುಭವಿಗಳು ಸೆಪ್ಟೆಂಬರ್​ವೊಳಗೆ ಬಯೋಮೆಟ್ರಿಕ್​ ಅಥವಾ ಫೇಸ್​ ಆಧಾರಿತ ಇ-& ಕೆವೈಸಿ ಮಾಡಿಸಬೇಕು.

ಡಿಬಿಟಿ ಮೂಲಕ ಫಲಾನುಭವಿಗಳಿಗೆ ಹಣ ಜಮೆಯಾಗುತ್ತಿದ್ದರೂ ಮುಂದಿನ ಕಂತು ಬಿಡುಗಡೆಗೆ ಕೇಂದ್ರ ಸರ್ಕಾರ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಬ್ಯಾಂಕ್​ ಖಾತೆಗೆ ಆಧಾರ್​ ಕಾರ್ಡ್​ ಅನ್ನು ಎನ್​ಪಿಸಿಐ ಜತೆ ಲಿಂಕ್​ ಮಾಡಿಸಿದ್ದರೂ ಬಯೋಮೆಟ್ರಿಕ್​ ಅಥವಾ ಫೇಸ್​ ಆಧಾರಿತ ಇ- ಕೆವೈಸಿ ಮಾಡಿಸಲೇಬೇಕು. ಮೃತ ಫಲಾನುಭವಿಗಳನ್ನು ಕೈಬಿಟ್ಟು, ಅರ್ಹ ಫಲಾನುಭವಿಗಳನ್ನು ಗುರುತಿಸುವುದು ಇದರ ಉದ್ದೇಶ. ಈ ಇ- ಕೆವೈಸಿ ಅಭಿಯಾನ ರಾಜ್ಯಾದ್ಯಂತ ನಡೆಯುತ್ತಿದೆ.

ಫಲಾನುಭವಿಗಳು ಬಯೋಮೆಟ್ರಿಕ್​ ಅಥವಾ ಫೇಸ್​ ಆಧಾರಿತ ವಿಧಾನಗಳಲ್ಲಿ ಒಂದನ್ನು ಆಯ್ಕೆ ಮಾಡಿಕೊಳ್ಳಬೇಕು. ಬಯೋಮೆಟ್ರಿಕ್​ ಮೂಲಕ ಇ- ಕೆವೈಸಿಯನ್ನು ಸಾಮಾನ್ಯ ಸೇವಾ ಕೇಂದ್ರಗಳು (ಸಿಎಸ್​ಸಿ) ಮತ್ತು ರಾಜ್ಯ ಸೇವಾ ಕೇಂದ್ರಗಳಾದ ಗ್ರಾಮ ಒನ್​, ಕರ್ನಾಟಕ ಒನ್​, ಕೃಷಿ ಇಲಾಖೆಯ ರೈತ ಸಂಪರ್ಕ ಕೇಂದ್ರಗಳಲ್ಲಿ ಮಾಡಿಸಬಹುದು. ಬೆರಳಚ್ಚಿನ ಮೂಲಕ ದೃಢೀಕರಣ ಸಾಧ್ಯವಾಗದ ಫಲಾನುಭವಿಗಳಿಗೆ ಪಿಎಂ ಕಿಸಾನ್​ ಮೊಬೈಲ್​ ಅಪ್ಲಿಕೇಶನ್​ನಲ್ಲಿ ಫೇಸ್​ ಆಧಾರಿತ (ೇಸ್​ ಅಥೆಂಟಿಕೇಶನ್​) ವಿಧಾನ ಸರಳ ಆಯ್ಕೆಯಾಗಿದೆ. ಮೊಬೈಲ್​ನಲ್ಲೇ ಫೇಸ್​ ಆಧಾರಿತ ಇ- ಕೆವೈಸಿ ಮತ್ತೊಂದು ವಿಧಾನ. ಫಲಾನುಭವಿಗಳು ಸ್ವಯಂಪ್ರೇರಿತವಾಗಿ ಮೊಬೈಲ್​ ಅಪ್ಲಿಕೇಶನ್​ನಲ್ಲೂ ಮಾಡಬಹುದು. ಗೂಗಲ್​ ಪ್ಲೇ ಸ್ಟೋರ್​ನಿಂದ "ಪಿಎಂ-ಕಿಸಾನ್​' ಮೊಬೈಲ್​ ಆ್ಯಪ್​ ಮತ್ತು ಆಧಾರ್​ ಫೇಸ್​ ಆರ್​ಡಿ ಆ್ಯಪ್​ ಡೌನ್​ಲೋಡ್​ ಮಾಡಿಕೊಳ್ಳಬೇಕು. ನೋಂದಾಯಿತ ಮೊಬೈಲ್​ ಸಂಖ್ಯೆಯೊಂದಿಗೆ ಲಾಗಿನ್​ ಆಗಬೇಕು. ಆಧಾರ್​ ಸಂಖ್ಯೆ ನಮೂದಿಸಿ ಮುಖವನ್ನು ಸ್ಕಾನ್​ ಮಾಡಲು ಒಪ್ಪಿಗೆ ನೀಡಿದರೆ ಇ- ಕೆವೈಸಿ ರ್ಪೂಣಗೊಳ್ಳುತ್ತದೆ.

ಕೇಂದ್ರ ಸರ್ಕಾರ ಪ್ರಧಾನಮಂತ್ರಿ ಕಿಸಾನ್​ ಸಮ್ಮಾನ್​ ನಿಧಿ ಯೋಜನೆಯನ್ನು 2019ರ ಫೆಬ್ರವರಿಯಿಂದ ಅನುಷ್ಠಾನಗೊಳಿಸಿದೆ. 2019ರ ಫೆಬ್ರವರಿಗೂ ಮೊದಲು ಸಾಗುವಳಿ ಭೂಮಿ ಹೊಂದಿರುವ ರೆೈತ ಕುಟುಂಬಕ್ಕೆ ನೆರವಾಗಲು ವಾಷಿರ್ಕ 6,000 ರೂ. ಆಥಿರ್ಕ ನೆರವು ನೀಡಲಾಗುತ್ತಿದೆ. 2000 ರೂ.ಗಳಂತೆ 3 ಕಂತುಗಳಲ್ಲಿ 4 ತಿಂಗಳಿಗೊಮ್ಮೆ ನೇರವಾಗಿ ರೈತರ ಬ್ಯಾಂಕ್​ ಖಾತೆಗೆ (ಡಿಬಿಟಿ) ಜಮೆ ಮಾಡಲಾಗುತ್ತಿದೆ.

"