ಬಸ್​ ಸಮೇತ ಜಿಲ್ಲಾಸ್ಪತ್ರೆಗೆ ತೆರಳಿ ಅಸ್ವಸ್ಥ ಮಹಿಳೆಗೆ ಚಿಕಿತ್ಸೆ

ಸತ್ತೂರಿನ ಡೆಂಟಲ್​ ಕಾಲೇಜು ಸ್ಟಾಪ್​ನಿಂದ ಮಹಿಳೆಯೊಬ್ಬರು ಖಾಸಗಿ ಬಸ್​ ಹತ್ತಿದ್ದರು. ಕೆಲ ಹೊತ್ತಿನಲ್ಲಿ ಮಹಿಳೆಗೆ ಬಸ್​ನಲ್ಲಿ ಹೃದಯ ಸ್ತಂಭನವಾಗಿದೆ. ವಿಷಯ ಗೊತ್ತಾದ ಖಾಸಗಿ ಬಸ್​ ಚಾಲಕ ಶಂಕರ ಪಾಟೀಲ ಹಾಗೂ ನಿರ್ವಾಹಕ ಮಂಜು, ಬಸ್​ನ್ನು ನೇರವಾಗಿ ಧಾರವಾಡ ಜಿಲ್ಲಾಸ್ಪತ್ರೆಗೆ ತಂದು ಚಿಕಿತ್ಸೆಗಾಗಿ ದಾಖಲು ಮಾಡಿದ್ದಾರೆ. ಇದಕ್ಕೆ ಬಸ್​ನಲ್ಲಿದ್ದ ಪ್ರಯಾಣಿಕರು ನೆರವು ನೀಡಿದ್ದಾರೆ.

ಸದ್ಯ ಮಹಿಳೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಖಾಸಗಿ ಬಸ್​ ಚಾಲಕ ಹಾಗೂ ನಿರ್ವಾಹಕನ ಮಾನವೀಯತೆಗೆ ಪ್ರಶಂಶೆ ವ್ಯಕ್ತವಾಗಿದೆ.