15 ದಿನದಿಂದ ಕುಡಿಯುವ ನೀರು Drinking water supply ಪೂರೈಕೆ ಸ್ಥಗಿತ

ಕುಂದಗೋಳ: ತಾಲೂಕಿನ ಹಿರೇನರ್ತಿ, ಬೆನಕನಹಳ್ಳಿ ಹಾಗೂ ಬಸಾಪೂರ ಗ್ರಾಮಗಳಲ್ಲಿ 15 ದಿನಗಳಿಂದ ಕುಡಿಯುವ ನೀರು ಪೂರೈಕೆ Drinking water supply ಸ್ಥಗಿತಗೊಂಡಿದ್ದು, ಗ್ರಾಮಸ್ಥರು ತೀವ್ರ ಸಂಕಷ್ಟ ಎದುರಿಸುತ್ತಿದ್ದಾರೆ.

ಕೂಡಲೇ ನೀರಿನ ಹಾಹಾಕಾರ ಬಗೆಹರಿಸಬೇಕು ಎಂದು ಒತ್ತಾಯಿಸಿ ಹಿರೇನರ್ತಿ ಗ್ರಾಪಂ ಅಧ್ಯಕ್ಷರು ಹಾಗೂ ಸದಸ್ಯರು ಸೋಮವಾರ ಶಿರಸ್ತೇದಾರ್ ಮಹೇಶ ಶ್ಯಾಮನಾಳ ಅವರಿಗೆ ಮನವಿ ಸಲ್ಲಿಸಿದರು.

ಗ್ರಾಮಗಳಲ್ಲಿನ ಶುದ್ಧೀಕರಣ ಘಟಕಗಳು ಕೆಟ್ಟಿವೆ. ಮೋಟಾರ್ ದುರಸ್ತಿಯ ನೆಪ ಹೇಳಿ ಅಧಿಕಾರಿಗಳು ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ. ಜನರು ನೀರಿಗಾಗಿ ಪಕ್ಕದ ಊರುಗಳನ್ನು ಅವಲಂಬಿಸುವಂತಾಗಿದೆ. ಕೂಡಲೇ ನೀರು ಪೂರೈಕೆ ಸರಿಪಡಿಸದಿದ್ದರೆ ಹೋರಾಟ ಮಾಡುವುದಾಗಿ ಗ್ರಾಮಸ್ಥರು ಎಚ್ಚರಿಸಿದ್ದಾರೆ.

ಗ್ರಾಪಂ ಅಧ್ಯಕ್ಷ ಗುರುಸಿದ್ದಗೌಡ ಮೇಳಮಾಲಾಗಿ, ಕಲ್ಲಪ್ಪ ಹರಕುಣಿ, ಮಂಜುನಾಥ ಕುಂಬರ, ಶಿವು ಮೇಳಮಾಳಗಿ, ರಮೇಶ ಹಡಪನವರ, ಮುತ್ತು ಹಿರೇಮಠ, ದಾವಲಸಾಬ್ ದೊಡಮನಿ, ಚಂದ್ರು ನಾಯ್ಕರ, ಮಂಜು ಬಡಿಗೇರ, ರಾಮಣ್ಣ ಪೂಜಾರ, ಇತರರಿದ್ದರು.