ಡೋರ ಕಕ್ಕಯ್ಯಾ ಏಕತಾ ಸಮ್ಮೇಳನ 31ಕ್ಕೆ Unity

ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ಮಾಹಿತಿ ನೀಡಿದ ಸಮಾಜದ ಪ್ರಮುಖ ಹಾಗೂ ಪತ್ರಕರ್ತ ರಾಜೇಶ ಹೋಟ್ಕರ, ಮೇ 29, 30 ಹಾಗೂ 31ರಂದು ಡೋರ ಕಕ್ಕಯ್ಯಾ ಸಮಾಜದವರಿಗಾಗಿ ಕ್ರಿಕೆಟ್ ಪಂದ್ಯಾವಳಿ ಆಯೋಜಿಸಲಾಗಿದೆ ಎಂದರು.

ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಒಟ್ಟು 16 ತಂಡಗಳು ಭಾಗವಹಿಸಲಿದ್ದು, ಹುಬ್ಬಳ್ಳಿ ಹಾಗೂ ಧಾರವಾಡದ ತಲಾ 5 ತಂಡಗಳು ಪಾಲ್ಗೊಳ್ಳಲಿವೆ.

ಬೆಳಗಾವಿ, ಹಾವೇರಿ, ವಿಜಯಪುರ, ಬಾಗಲಕೋಟ ಸೇರಿದಂತೆ ಇನ್ನಿತರೆಡೆಯ ತಂಡಗಳು ಹೆಸರು ನೋಂದಾಯಿಸಿವೆ. ಶಾಸಕ ಮಹೇಶ ಟೆಂಗಿನಕಾಯಿ ಅವರು ಕ್ರಿಕೆಟ್ ಪಂದ್ಯಾವಳಿಗೆ ಚಾಲನೆ ನೀಡುವರು ಎಂದು ತಿಳಿಸಿದರು.

ಮೇ 31ರಂದು ಸಂಜೆ 5 ಗಂಟೆಗೆ ಅಖಿಲ ಕರ್ನಾಟಕ ಡೋರ ಕಕ್ಕಯ್ಯಾ ಏಕತಾ ಸಮ್ಮೇಳನ ಆಯೋಜಿಸಲಾಗಿದೆ.

ಪ್ರಸ್ತುತ ಸಮಾಜದ ಸ್ಥಿತಿಗತಿ, ಸಮಾಜದ ವಧು-ವರರ ಸ್ಥಿತಿಗತಿ ಹಾಗೂ ಕಲೆ, ಸಾಹಿತ್ಯ, ಸಂಗೀತ, ಕ್ರೀಡೆ, ಉದ್ಯಮ ಕ್ಷೇತ್ರದಲ್ಲಿ ಅವಕಾಶಗಳು ಕುರಿತು ಸಮ್ಮೇಳನದಲ್ಲಿ ಗೋಷ್ಠಿಗಳನ್ನು ಏರ್ಪಡಿಸಲಾಗಿದೆ ಎಂದು ತಿಳಿಸಿದರು.

ಬೀರವಳ್ಳಿ ಗುರುದೇವ ತಪೋವನದ ಪೀಠಾಧೀಶರಾದ ಗುರುಮಾತಾ ನಂದಾತಾಯಿ ಸಾನ್ನಿಧ್ಯ ವಹಿಸುವರು.

ನಾಗಠಾಣ ಕ್ಷೇತ್ರದ ಶಾಸಕ ವಿಠ್ಠಲ ಕಟಕದೊಂಡ, ರಾಯಚೂರು ಡಿವೈಎಸ್​ಪಿ ಪರಮಾನಂದ ಘೋಡಕೆ, ಅಖಿಲ ಭಾರತೀಯ ಡೋರ ಕಕ್ಕಯ್ಯಾ ಸಮಾಜ ಮಂಡಳದ ಅಧ್ಯಕ್ಷ ವಿಠ್ಠಲ ಪೋಳ, ಕಲಬುರ್ಗಿಯ ನಿವೃತ್ತ ಪ್ರಾಂಶುಪಾಲ ಡಾ. ಅಮೃತ ಕಟಕೆ, ಹುಬ್ಬಳ್ಳಿಯ ಶ್ರೀ ಸಿದ್ಧಾರೂಢಮಠ ಟ್ರಸ್ಟ್ ಕಮೀಟಿ ಗೌರವ ಕಾರ್ಯದರ್ಶಿ ವಿನಾಯಕ ಘೋಡಕೆ ಹಾಗೂ ಇತರರು ಅತಿಥಿಗಳಾಗಿ ಪಾಲ್ಗೊಳ್ಳುವರು.

ಪೂರ್ಣಾಜಿ ಖರಾಟೆ, ವಿಲಾಸ ಹೋಟಕರ, ಅಶ್ವಿನಿ ಶ್ರೇಯಕರ ಹಾಗೂ ಡಾ. ಗುರುರಾಜ ಪಾಟೀಲ ಅವರು ವಿವಿಧ ವಿಷಯಗಳ ಕುರಿತು ಉಪನ್ಯಾಸ ನೀಡುವರು ಎಂದು ಹೇಳಿದರು.

ಶಾಂತರಾಜ ಪೋಳ, ಲಕ್ಷ್ಮೀಕಾಂತ ಘೋಡಕೆ, ಪರಮಾನಂದ ಘೋಡಕೆ, ವಿಲಾಸ ಹೋಟಕರ ಅವರು ಸುದ್ದಿಗೋಷ್ಠಿಯಲ್ಲಿ ಇದ್ದರು.