ಕಾರ್ಮಿಕರ ಕಲ್ಯಾಣ ಮಂಡಳಿ ಹಣ ಖರ್ಚು ಮಾಡಬೇಡಿ

ಧಾರವಾಡ: ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ವತಿಯಿಂದ 15 ಲಕ್ಷ ಸಸಿ ನೆಡುವ ಪರಿಸರ ಜಾಗೃತಿ ಕಾರ್ಯಕ್ರಮಕ್ಕೆ ಕರ್ನಾಟಕ ಕಟ್ಟಡ ಮತ್ತು ಇತರ ನಿರ್ಮಾಣ ಕಾರ್ಮಿಕರ ಕಲ್ಯಾಣ ಮಂಡಳಿಯ ಹಣ ಖರ್ಚು ಮಾಡಬಾರದು ಎಂದು ಆಗ್ರಹಿಸಿ ಎಐಯುಟಿಯುಸಿ ಗೆ ಸೇರಿದ ಕರ್ನಾಟಕ ರಾಜ್ಯ ಸಂಯುಕ್ತ ಕಟ್ಟಡ ಕಾರ್ಮಿಕರ ಸಂಘದಿಂದ ಮಂಗಳವಾರ, ಅಪರ ಜಿಲ್ಲಾಧಿಕಾರಿ ಗೀತಾ ಸಿ.ಡಿ. ಅವರ ಮೂಲಕ ಸರ್ಕಾರಕ್ಕೆ ಮನವಿ ರವಾನಿಸಲಾಯಿತು.

ಕಾರ್ಯಕ್ರಮಕ್ಕೆ ಕರೆ ತರಲಾಗುತ್ತಿರುವ 13 ಸಾವಿರಕ್ಕೂ ಹೆಚ್ಚು ಕಟ್ಟಡ ಕಾರ್ಮಿಕರಿಗೆ ಬೆಳಗಿನ ಉಪಾಹಾರ, ಮಧ್ಯಾಹ್ನದ ಊಟದ ಜತೆಗೆ ಆ ದಿನದ ಕೂಲಿಯನ್ನು ಕೂಡ ನೀಡಬೇಕು. ಇದು ಸರ್ಕಾರದ ಕಾರ್ಯಕ್ರಮ ಆಗಿರುವುದರಿಂದ ಸರ್ಕಾರದಿಂದಲೇ ವೆಚ್ಚ ಭರಿಸಬೇಕೇ ಹೊರತು, ಮಂಡಳಿಯ ಒಂದು ರೂ. ಇದಕ್ಕೆ ವೆಚ್ಚ ಮಾಡಬಾರದು ಎಂದು ಒತ್ತಾಯಿಸಿದರು.

ಮಂಡಳಿಯ ಹಣ ಕಟ್ಟಡ ಕಾರ್ಮಿಕರ ಕಲ್ಯಾಣಕ್ಕೆ ಖರ್ಚು ಮಾಡುವುದಕ್ಕೆ ಇರುತ್ತದೆ. ಕಿಟ್ ಹಾಗೂ ದುಂದು ವೆಚ್ಚದಲ್ಲಿ ಅಽಕಾರಿಗಳಿಗೆ ಹಣ ಸೇರುತಿದೆ ಹೊರತು, ಕಟ್ಟಡ ಕಾರ್ಮಿಕರಿಗೆ ಘೋಷಿಸಿದ ಸೌಲಭ್ಯಗಳು ಕೂಡ ಖಾತ್ರಿ ಆಗುತ್ತಿಲ್ಲ. ಮಂಡಳಿಯಿಂದ ಶಿಷ್ಯ ವೇತನ ಕಡಿಮೆ ಮಾಡಲಾಗಿದೆ. ಆಸ್ಪತ್ರೆ ಖರ್ಚಿಗೆ ಕೂಡ ಹಣ ಬಿಡುಗಡೆ ಮಾಡಿಲ್ಲ. ಇಂತಹ ಸಮಸ್ಯೆಗಳನ್ನು ನಿವಾರಿಸಬೇಕು ಎಂದು ಮನವಿ ಮೂಲಕ ಆಗ್ರಹಿಸಿದರು.

ಗಂಗಾಧರ ಬಡಿಗೇರ, ಪ್ರಶಾಂತ ಕಮ್ಮಾರ, ದುರ್ಗಪ್ಪ ಕಲ್ಲೂರ, ರುದ್ರಕಾಂತ ಇತರರಿದ್ದರು.