brain ಮಿದುಳು ಗಡ್ಡೆ ಬಗ್ಗೆ ಅಸಡ್ಡೆ ಬೇಡ

ವಿಶ್ವ ಮಿದುಳು ಗಡ್ಡೆ ದಿನ ಅಂಗವಾಗಿ ಬಾಲಾಜಿ ಆಸ್ಪತ್ರೆ ಆವರಣದಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಜನಜಾಗೃತಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ, ಅವರು ಮಾತನಾಡಿದರು.

ಮಿದುಳಿನ ಗಡ್ಡೆಯ ಮೊದಲ ಮುನ್ಸೂಚನೆ ತಲೆನೋವು. ಆದರೆ, ಬಹುತೇಕ ಜನ ಅದನ್ನು ಸಾಮಾನ್ಯ ತಲೆನೋವು ಎಂದು ಕಡೆಗಣಿಸುತ್ತಾರೆ. ನಮ್ಮಲ್ಲಿ ದಾಖಲಾಗುವ ಬಹುತೇಕ ಪ್ರಕರಣಗಳಲ್ಲಿ ಇಂತಹ ಉದಾಹರಣೆೆಗಳೇ ಹೆಚ್ಚಿವೆ ಎಂದು ತಿಳಿಸಿದರು.

ಮಿದುಳಿನ ರಕ್ತನಾಳಗಳು ಮತ್ತು ನರಗಳ ಮೇಲೆ ಒತ್ತಡ ಬೀಳುವುದರಿಂದ ತಲೆನೋವು ಉಂಟಾಗುತ್ತದೆ.

ಬೆಳಗ್ಗೆ ಎದ್ದ ತಕ್ಷಣ ತೀವ್ರ ತಲೆ ನೋವು, ವಾಕರಿಕೆ ಮತ್ತು ವಾಂತಿ, ಮಾತು, ದೃಷ್ಟಿ ಅಥವಾ ಆಲಿಸುವಿಕೆಯಲ್ಲಿ ಆಸ್ಪಷ್ಟತೆ, ಇನ್ನಿತರ ರೋಗ ಲಕ್ಷಣ ಕಂಡು ಬಂದಲ್ಲಿ ಯಾವುದೇ ನಿರ್ಲಕ್ಷ ತೋರದೆ ಕೂಡಲೇ ಆಸ್ಪತ್ರೆಗೆ ಕರೆ ತಂದು ಚಿಕಿತ್ಸೆ ಕೊಡಿಸಬೇಕು ಎಂದು ಹೇಳಿದರು.

ಮಿದುಳಿನ ಗಡ್ಡೆಗಳು ಯಾವುದೇ ವಯಸ್ಸಿನಲ್ಲೂ ಸಂಭವಿಸಬಹುದು. ಆದರೆ ಅವು 40 ರಿಂದ 70 ವರ್ಷ ವಯಸ್ಸಿನವರಲ್ಲಿ ಮತ್ತು 3 ರಿಂದ 12 ವರ್ಷ ವಯಸ್ಸಿನ ಮಕ್ಕಳಲ್ಲಿ ಹೆಚ್ಚಾಗಿ ಕಂಡುಬರುತ್ತವೆ.